Sapna Gill: पृथ्वी शॉला नडणारी सपना गिल आहे तरी कोण? पुरस्काराने आहे सन्मानित

भारतीय क्रिकेटपटू पृथ्वी शॉ सध्या त्याच्या व्हायरल होत असलेल्या व्हिडिओमुळे चर्चेत आहे. बुधवारी, 15 फेब्रुवारी रोजी मुंबईतील सांताक्रूझ भागातील एका हॉटेलबाहेर काही त्याचा आणि तरुणीमध्ये वाद झाला. लोकांनी मारहाण करण्याचा प्रयत्न केला आणि त्याच्या गाडीवर हल्लाही केला. या घटनेचा व्हिडिओ सोशल मीडियावर वेगाने व्हायरल होत आहे.

व्हायरल झालेल्या व्हिडिओमध्ये एक मुलगी पृथ्वीसोबत गैरवर्तन करताना दिसत आहे. ती पृथ्वीला मारण्याचा प्रयत्न करत आहे. ही मुलगी दुसरी कोण आहे असा प्रश्न सर्वांनाच पडला होता. ती मुलगी ही सोशल मिडियावरील प्रसिद्ध चेहरा आहे. तिचं नावं सपना गिल आहे. सपनाने केवळ सोशल मीडियावरच नव्हे तर चित्रपटांमध्येही काम केलं आहे. सपना ही एक भोजपुरी अभिनेत्री आहे. तिने रवि किशन आणि निरहुआ दिनेश लाल यादव, खेसारी आणि पवन सिंह सारख्या सुपरस्टार्ससोबत काम केले आहे.

सपना गिलने 2019 मध्ये भोजपुरी चित्रपट 'काशी अमरनाथ'मधून तिच्या फिल्मी करिअरला सुरुवात केली. या चित्रपटात सपना व्यतिरिक्त रवी किशन, आम्रपाली दुबे आणि निरहुआ मुख्य भूमिकेत होते.

सपनाचे इंस्टाग्रामवर 2,19,000 फॉलोअर्स आहेत. मूळ चंदिगडची असलेली सपना सध्या मुंबईत राहते. ती सोशल मीडिया प्लॅटफॉर्मवर मनोरंजन आणि डान्स व्हिडिओंपासून फॅशन आणि फोटोंपर्यंतचे कटेंट अपलोड करते.

सपना गिलने 'काशी अमरनाथ', 'निरहुआ चलल लंदन' आणि 'मेरा वतन' यांसारख्या चित्रपटांमध्ये काम केले आहे. तिला सबरंग 2018 मधील काशी अमरनाथ या चित्रपटासाठी बेस्ट डेब्यू फिमेल अभिनेत्रींचा पुरस्कार देखील मिळाला आहे.