Priyanka Chopra Daughter : 'देसी गर्ल' प्रियांकाच्या पोरीची पहिली झलक! नेटकऱ्यांकडून कमेंटचा पाऊस

Priyanka Chopra-Malti Marie Pics : बॉलिवूड चित्रपट सृष्टीतील आघाडीची अभिनेत्री प्रियांका चोप्राची मुलगी मालती मेरी पहिली झलक अखेर समोर आली आहे.

प्रियांका चोप्रा आणि मालती मेरी चोप्रा यांचे हे फोटो निक जोनासच्या हॉलीवूड वॉक ऑफ फेम स्टार इव्हेंटमधील असून, प्रियांका आणि मालती मेरी चोप्राच्या या फोटोंना सोशल मीडियावर खूप पसंती दिली जात आहे.

प्रियांका चोप्रा आणि निक जोनास यांनी 2018 मध्ये जोधपूरच्या उम्मेद भवन पॅलेसमध्ये ख्रिश्चन आणि हिंदू परंपरेनुसार लग्न केले होते. त्यानंतर प्रियांकाने गेल्या वर्षी जानेवारीमध्ये सरोगसीद्वारे मालती मेरी चोप्राला जन्म दिला.

गेल्या अनेक दिवसांपासून प्रियांकाच्या मुलीचा चेहरा पाहण्यासाठी करोडो चाहते आस लावून होते.अखेर आता मालती मेरी चोप्राची पहिली झलक समोर आली आहे. सध्या या फोटोंवर चाहते मोठ्या प्रमाणात लाईक आणि कमेंट करत आहेत.

प्रियांका आगामी काळात 'इट्स ऑल कमिंग बॅक टू मी' या चित्रपटामधून आणि सिटाडेल या वेब सीरिजमधून प्रियांका ही प्रेक्षकांच्या भेटीस येणार आहे. 'इट्स ऑल कमिंग बॅक टू मी' हा चित्रपट 10 फेब्रुवारी 2023 रोजी रिलीज होणार आहे, असं म्हटलं जात आहे.

याशिवाय प्रियांका फरहान अख्तरच्या 'जी ले जरा' या चित्रपटांमध्येदेखील मुख्य भूमिका साकारणार आहे. प्रियांकाना याआधी बाजीराव मस्तानी, दिल धडकने दो, डॉन-2, मेरी कोम, बर्फी, द स्काय इज पिंक या चित्रपटांमध्ये उत्तम अभिनय केला आहे.