प्रियंका चोप्राही 'चंद्रमुखी'च्या प्रेमात.. आदिनाथ, अमृताला दिल्या खास शुभेच्छा.. |Priyanka Chopra Praises Marathi Movie 'Chandramukhi' | Sakal
sakal

बोलून बातमी शोधा

priyanka chopra on 'chandramukhi' marathi movie

प्रियंका चोप्राही 'चंद्रमुखी'च्या प्रेमात.. आदिनाथ, अमृताला दिल्या खास शुभेच्छा..

बॉलीवूडसह हॉलिवूडमध्येही आपल्या अभिनयाची जादू दाखवणारी अभिनेत्री प्रियंका चोप्रा (priyanka chopra) कायमच चर्चेत असते. आपल्या दैनंदिन आयुष्यात घडामोडींची माहिती ती आपल्याला चाहत्यांना देत असते. शिवाय मनोरंजन विश्वातील हालचालींवरही तिचे बारीक लक्ष असते. त्यावर भाष्य करणेही ती पसंत करते. मध्यंतरी सरोगसीच्या वादात ती अडकली होती. तर नुकतंच तिने तिच्या मुलीचे नामकरण केले. 'मालती मेरी' असे तिने आपल्या मुलीचे नाव ठेवले आहे. एरव्ही बॉलीवूड चित्रपटांवर भाष्य करणाऱ्या प्रियंकाने यंदा चक्क मराठी चित्रपटाचे कौतुक केले आहे.

हेही वाचा: भारती सिंगला 'चंद्रमुखी'ची भुरळ.. म्हणाली, 'बाई गं..'

विश्वास पाटील यांच्या कादंबरीवर बेतलेला, प्रसाद ओक (prasad oak) दिग्दर्शित चंद्रमुखी चित्रपट अवघ्या काही दिवसातच आपल्या भेटीला येणार आहे. या चित्रपटाची सध्या सर्वत्र चर्चा सुरु आहे. विशेष म्हणजे या चित्रपटातील गाण्यांची भुरळ अनेकांना पडली आहे. 'चंद्रा', 'बाई गं' या दोन लावण्या प्रसिद्ध झाल्या असून या गाण्यांवर थिरकण्यात चाहते दंग झाले आहेत. अमृता खानविलकर (amruta khanvilkar) आणि आदिनाथ कोठारे (adinath kothare) यांची प्रमुख भूमिका असलेला हा चित्रपट २९ एप्रिल ला प्रदर्शित होणार आहे. या चित्रपटाला सध्या बॉलीवूडमधूनही शुभेच्छा येऊ लागल्या आहेत .

हेही वाचा: 'तारक मेहता'च्या टीमने मागितली जाहीर माफी.. घडली मोठी चूक..

कॉमेडियन भारती सिंग पाठोपाठ आता बॉलीवूड अभिनेत्री प्रियंका चोप्रानेही चंद्रमुखी चित्रपटाला शुभेच्छा दिल्या आहेत. तिच्या इन्सटाग्राम अकाउंटवर चंद्रमुखी चित्रपटाचे एक पोस्टर तिने शेअर केले आहे. यासोबत तिने चंद्रमुखी चित्रपटाच्या संपूर्ण टीमचे कौतुक केले आहे. ‘अभिनंदन आदिनाथ कोठारे. येत्या २९ एप्रिलला चंद्रमुखी तुमच्या जवळच्या चित्रपटगृहात..’, अशी पोस्ट तिने शेअर केली आहे. तसेच अमृता खानविलकर आणि संपूर्ण टीमलाही तिने शुभेच्छा दिल्या आहेत.

Web Title: Priyanka Chopra Praises Marathi Movie

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top