Raju Srivastav : राजू श्रीवास्तवबद्दल डॉक्टर म्हणाले; बरा होईल, पण...

Raju Srivastav Health Update News राजू श्रीवास्तव बऱ्याच दिवसांपासून दिल्लीतील एम्स रुग्णालयात दाखल आहे. त्याच्या प्रकृतीत अद्याप कोणतीही सुधारणा झालेली नाही. १० ऑगस्टला दिल्लीतील हॉटेलच्या जिममध्ये वर्कआऊट करताना राजूची प्रकृती बिघडली होती. त्यानंतर त्याला रुग्णालयात दाखल करण्यात आले होते. तेव्हापासून राजूच्या प्रकृतीचे अपडेट्स येत राहतात. राजू (Raju Srivastav) लवकर बरा व्हावा यासाठी चाहते खूप प्रार्थना करीत आहेत. आता राजूबद्दल नवीन अपडेट आले आहे.

राजू बरा होईल, असे आश्वासन डॉक्टरांनी दिल्याचे राजूचे प्रतिनिधी सांगतात. मात्र, त्यासाठी थोडा वेळ लागेल. राजूची (Raju Srivastav) प्रकृती स्थिर आहे. डॉक्टर त्याच्यावर उपचार करीत आहेत. मात्र, अद्याप राजूला शुद्ध आलेली नाही. तो व्हेंटिलेटरवर असून, डॉक्टर सतत लक्ष ठेवून आहेत. ‘डॉक्टर उपचार करीत आहेत. त्यांची तब्येत सुधारण्याची वाट पाहत आहोत’, असे राजूची मुलगी अंतरा हिने मुलाखतीत सांगितले होते.

यापूर्वी शेखर सुमन यांनी राजू श्रीवास्तवच्या आरोग्याच्या अपडेटवर ट्विट केले होते आणि म्हटले होते की, राजूच्या प्रकृतीचे अपडेट कुटुंबीयांकडून आले आहे. राजूचे अवयव चांगले काम करीत आहे. राजू अद्याप शुद्धीवर नसला तरी तो लवकरच बरा होईल, अशी आशा डॉक्टरांना (Doctor) आहे.

काही दिवसांपूर्वी राजूबद्दल अनेक चुकीच्या बातम्या सोशल मीडियावर व्हायरल होत होत्या. त्यानंतर राजूची पत्नीने मुलाखतीत सांगितले की, मी सर्वांना विनंती करते की राजूच्या प्रकृतीबद्दल खोट्या अफवा पसरवू नका. तो लवकरच परत येईल. डॉक्टर त्यांचे सर्वोत्तम देत आहेत आणि राजूची त्यांना साथ देत आहेत. तो या आजाराशी लढत आहे.