Swara Bhasker : स्वराने बॉलिवूडची तुलना केली राहुल गांधींसोबत; म्हणाली...

Swara Bhasker Latest News स्वरा भास्करने (Swara Bhasker) बॉलिवूडची तुलना काँग्रेस नेते राहुल गांधी (Rahul Gandhi) यांच्याशी केली आहे. सध्या बॉलिवूड (Bollywood) चित्रपटांमध्ये जे काही चालले आहे ते पाहता तिला राहुल गांधींची आठवण येते. स्वरा भास्कर लवकरच ‘जहाँ चार यार’ या चित्रपटात काम करताना दिसणार आहे. ती शेवटी वीरे दी वेडिंग या चित्रपटात दिसली होती. तेव्हापासून तिच्या कारकिर्दीत मोठी पडझड झाली.

राहुल गांधींचा उल्लेख करीत स्वरा भास्कर म्हणाली, सर्वजण त्यांना पप्पू म्हणत होते. त्यामुळे आता सर्वजण त्यांना पप्पूच समजतात. मी त्यांना भेटली आहे. ते अतिशय हुशार आणि बोलका माणूस आहे. किंबहुना बॉलिवूडमध्येही पप्पूफिकेशन झाले आहे, अशी स्वरा भास्कर म्हणाली. गेल्या काही दिवसांत अनेक मोठे चित्रपट पडले आहेत. यानंतर अशी प्रतिक्रिया स्वरा भास्करने (Swara Bhasker) दिली आहे.

आजकाल बॉलिवूड चित्रपटांच्या बॅक टू बॅक फ्लॉप होण्यामागचे कारण विचारले असता स्वरा भास्कर म्हणाली, चित्रपटगृहात शो होत नसतील तर त्याला बॉलिवूड (Bollywood) जबाबदार नाही. ओटीटीने लोकांचा पाहण्याचा अनुभव खराब केला आहे, असेही ती म्हणाली.

चित्रपटांवरील बहिष्काराबद्दल बोलताना स्वरा भास्करने राहुल गांधींचे (Rahul Gandhi) उदाहरण दिले आणि म्हणाली, ‘मला माहीत नाही, ही एक विचित्र तुलना असू शकते. परंतु, मला राहुल गांधींची आठवण येते.’