Rakhi Sawant: 'रणवीरचा न्युड फोटो, मुलींवर उपकारच!'

Rakhi Sawant News: बॉलीवूडचा अभिनेता रणवीर सिंग हा त्याच्या वेगळेपणासाठी ओळखला जाणारा अभिनेता आहे. सध्या तो सोशल मीडियावर चर्चेत आला आहे. त्याचे कारण त्यानं केलेलं न्युड फोटोशुट. (Bollywood Actor Ranveer Singh News) गेल्या आठवड्यात रणवीरनं केलेलं ते फोटो शुट वादाच्या भोवऱ्यात सापडल्याचे दिसून आले आहे. त्यामुळे रणवीरवर मोठ्या प्रमाणात टीकाही झाली. यावेळी बॉलीवूडमधील (Bollywood Actor) अनेक सेलिब्रेटी त्याच्या सपोर्टसाठी आले होते. त्यात अर्जुन कपूर, मलायका, करिना कपूर, आलिया भट्ट एवढेच नाही तर दीपिकानं देखील रणवीरची बाजू घेतली आहे.

यासगळ्यात राखीनं मात्र रणवीरच्या त्या फोटोवर भन्नाट प्रतिक्रिया दिली आहे. ती काय म्हटली हे आपण जाणून घेणार आहोत. बिग बॉस फेम आणि मनोरंजन विश्वातील ड्रामा क्वीन म्हणून राखीला ओळखले जाते. दरवेळी काही हटके वक्तव्य करुन नेटकऱ्यांचे लक्ष वेधून घेणे राखीला जमले आहे. तिला सोशल मीडियावर फॉलो करणाऱ्यांची संख्याही मोठी आहे. त्यामुळे कोणत्या एका गोष्टीवर राखी काय म्हणते याला जास्त महत्व नेटकऱ्यांच्या दृष्टीने असते. सोशल मीडियावर राखी त्यामुळे लाईमलाईटमध्ये असल्याचे अनेकदा दिसून आले आहे.

आता राखीनं रणवीरच्या त्या बोल्ड फोटोशुटवर प्रतिक्रिया दिली आहे. ती म्हणते, मी आता फारच थकले आहे. नुकतीच दुबईवरुन आले आहे. आणि रणवीरच्या त्या फोटोंवरुन बातमी ऐकली. अरे सगळ्या मुली कॅमेऱ्यासमोर त्याच अवस्थेत येतात. तेव्हा एकटा रणवीर आला तर त्यानं मुलींवर उपकारच केले आहे. अशी प्रतिक्रिया राखीनं दिली आहे. तिच्या त्या प्रतिक्रियेला नेटकऱ्यांचा मोठा प्रतिसादही मिळाला आहे.

रणवीरच्या त्या फोटोशुटवरील वाद संपण्याचे नाव घेत नाही. त्याच्या बाजुनं उभं राहणाऱ्यांची संख्या काही कमी नाही. त्यात बॉलीवूड सेलिब्रेटींचा देखील समावेश आहे. जान्हवी कपूर. करण जोहर, परिणीती चोप्रा यांनी रणवीरची बाजु घेतली आहे. आम्हाला आता समाधान वाटत आहे. त्याचे कारण कोणी तरी एका मुलानं बोल्ड फोटोशुट केलं आहे. त्याची चर्चा होत आहे.