हॉलीवूड अभिनेत्याचा आईच्या हत्येनंतर कॅनडाच्या पंतप्रधानांना मारण्याचा होता प्लॅन...

Hollywood Actor Ryan Grantham:आजच्या काळात काय घडेल आणि काय नाही हे सांगता यायचं नाही. घरातही आपल्यांच्या जीवावर उठणारे आज कमी नाहीत. जन्मदात्या आईला जिथं मारलं जातं तिथं आणखी काय अपेक्षा करायची. हॉलीवूड अभिनेत्यानं असंच एक भयानक कृत्य केलं आहे. रिवरडेल आणि डायरी ऑफ ए विम्पी किड सिनेमांचा अभिनेता रायन ग्रांथम,ज्याचं वय अवघं २४ वर्षांचे आहे. अभिनेत्यानं मार्च,२०२० मध्ये आपल्याच आईची हत्या केली आणि आता त्याला आजन्म कारावासाची शिक्षा ठोठावण्यात आली आहे. रिपोर्टनुसार, कोर्टाने २० सप्टेंबर रोजी ग्रांथमला आईच्या हत्ये प्रकरणात आजन्म कारावासाची शिक्षा सुनावली आहे.(Riverdale Actor Ryan Grantham To Serve Life Sentence For Murdering Mother)

सीबीएस न्यूजच्या माहितीनुसार कळत आहे की, रायन ने पियानो वाजवताना आपली आई बार्बरा वाइच्या डोक्यावर बंदूकीतनं गोळ्या झाडल्या आणि तिची हत्या केली. या प्रकरणात त्याला आता शिक्षा सुनावण्यात आली आहे. ब्रिटीश कोलंबियाच्या सुप्रिम कोर्टानं व्हॅंकूव्हर मध्ये यावर निर्णय दिला. ग्रांथमला रिवरडेल मधील त्याच्या भूमिकेमुळे ओळखले जाते. त्यानं सुपर नॅचरल आणि iZombie,फॉलिंग स्काईज सिनेमातून देखील काम केले आहे.

जेव्हा ग्रांथमला आईच्या हत्येप्रकरणात शिक्षा झाली तेव्हा असं देखील समोर आलं होतं की ग्रांथमचा कॅनडाचे पंतप्रधान जस्टिन टूडो यांची हत्या करण्याचा देखील प्लॅन होता. असं त्यावेळी कॉम्प्लेक्स कॅनडानं आपल्या रिपोर्टमध्ये म्हटलं होतं. ग्रांथमचा कॅनडाचे पंतप्रधान टूडो यांना मारण्याचा प्लॅन होता,जे पोलिसांना दिलेल्या साक्षीमधून समोर आलं होतं.

सुरुवातीला फर्स्ट डिग्री मर्डरचा आरोप त्याच्यावर लागल्यानंतर,ग्रांथमने या वर्षाच्या सुरुवातीला सेकन्ड डिग्री मर्डरची देखील कबूली दिली. कोर्टात सादर करण्यात आलेल्या पुराव्यांमध्ये काही व्हिडीओज देखील होते. ज्यांना ग्रांथमच्या पूर्ण चौकशी दरम्यान शूट करण्यात आलं होतं. यामधील एका व्हिडीओत त्यानं आपल्या आईच्या हत्येची कबूली दिली आहे. हे देखील त्यानं सांगितलं की एक सामूहिक हत्या करण्याचा देखील विचार होता,ज्यात साइमन फ्रेजर युनिव्हर्सिटीमधील त्याचा एक मित्र देखील सामिल होता. ग्रांथमची बहिण लिसा ग्रांथमने देखील कोर्टात साक्ष दिली की तिचा भाऊ खूप खतरनाक माणूस आहे. तो काहीही करू शकतो.