बहुचर्चित आणि बहूप्रतिक्षीत ‘आरआरआर’ (RRR) हा चित्रपट ओटीटी वर कधी येणार याची चाहते आतुरतेने वाट पाहत आहेत. कोट्यवधींची कमाई करणारा हा चित्रपट अजूनही बॉक्स ऑफिसवर धुमाकूळ घालत आहे. या चित्रपटाने आजवर बरेच रेकॉर्ड मोडले आहेत. हा चित्रपट आता ओटीटी वर येत असल्याने चाहत्यांमध्ये आनंदाचे वातावरण आहे. (RRR ON OTT)
एसएस राजमौली (SS Rajamouli) यांनी दिग्दर्शित केलेल्या या चित्रपटात राम चरण (Ram Charan), ज्युनिअर एनटीआर Jr. NTR मुख्य भूमिकेत आहेत. तर, बॉलिवूड अभिनेत्री आलिया भट्ट (Alia Bhatt) आणि अभिनेता अजय देवगण (Ajay Devgn) हे देखील महत्त्वाच्या भूमिकेत आहेत. हा चित्रपट आता घरबसल्या पहाता येणार आहे. कारण २० मे रोजी हा चित्रपट झी ५ (zee 5) या ओटीटी वाहिनीवर प्रदर्शित होणार आहे. पण हा चित्रपट नेमका त्याच दिवशी ओटीटी वर रिलीज करण्यामागे कारणही खास आहे.
अभिनेता ज्युनियर एनटीआर याचा २० मे रोजी वाढदिवस आहे. त्यामुळेच चाहत्यांना ही खास भेट ज्युनियर एनटीआर ने दिली आहे. या बातमीमुळे चाहते खुश झाले असून बॉक्स ऑफिस प्रमाणेओटीटी वरही चाहते चित्रपट पाहायला गर्दी करतील असे दिसते आहे. काही चाहत्यांनी तर चित्रपट ओटीटी वर रिलीज होत असल्याचेही जोरदार प्रमोशन केले आहे.
काही दिवसांपूर्वीच याची अधिकृत घोषणा करण्यात आली होती. पण त्यामागे हे खास निमित्त आहे हे नुकतेच कळले आहे. पण हा चित्रपट ओटीटी वर केवळ दाक्षिणात्य प्रदशिक भाषांमध्ये प्रदर्शित होणार आहे. हिंदीत कधी रिलीज होणार याबाबत अनेक तर्क लावले जात आहेत. पण याच दिवशी नेटफ्लिक्स Netflix वर आरआरआर हिंदी मध्ये रिलीज होईल असा अंदाज काहींनी वर्तवला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
