शाहीद कोणते शूज घालणार यावर ८ तास चर्चा; कियाराने व्यक्त केला मनातला राग

Shahid Kapoor, Kiara Advani News शाहीद कपूर आणि कियारा अडवाणी करण जोहरने होस्ट केलेल्या कॉफी विथ करण या शोच्या ७ व्या सीझनमध्ये एकत्र दिसणार आहेत. कबीर सिंग या ब्लॉकबस्टर चित्रपटाची ही जोडी पुन्हा एकदा प्रेक्षकांसमोर आली आहे. आगामी एपिसोडमध्ये कियारा अडवाणी (Kiara Advani) ही शाहिदची (Shahid Kapoor) ८-८ तास वाट का पाहावी लागली हे सांगताना दिसणार आहे.

कियारा अडवाणीने खुलासा केला की, ती तिच्या मनात शाहीद कपूरला थापड मारत होती. कारण, तिला त्याची वाट पाहावी लागली. शाहीद पुढील दृश्यात कोणते शूज घालणार यावर चर्चा सुरू होती. करण जोहरनेही कियारा अडवाणीची (Kiara Advani) बाजू घेतली आणि म्हटले की, शूजच्या चर्चेसाठी तुला शाहीदने ८ तास थांबायला लावले. शाहीदच्या बाबतीतही असेच केले पाहिजे.

शूटिंगच्या तिसऱ्या किंवा चौथ्या दिवशी मला ८ तास वाट पहावी लागली. कारण, पुढच्या सीनमध्ये शाहीद (Shahid Kapoor) कोणते बूट घालणार याची चर्चा सुरू होती, असे त्या घटनेची आठवण करून देताना कियारा अडवाणी म्हणाली. करण जोहरने तात्काळ कियाराचे समर्थन करीत म्हटले की, जर माझ्यासोबत असे केले गेले असते तर मीही मनातल्या मनात थापड मारली असती.

निर्मात्यांनी शोचे प्रोमो व्हिडिओ रिलीज केले आहेत. आता कबीर सिंगची ही सुपरहिट जोडी पुन्हा कधी एकत्र पाहायला मिळणार याची प्रेक्षक वाट पाहत आहेत. शहीद कपूरने शोच्या शूटिंगदरम्यानचा व्हिडिओ देखील शेअर केला आहे. ज्यामध्ये तो कियारा अडवाणीसोबत मस्ती करताना दिसत आहे.