Mera Piya Ghar Aaya 2.0: कुठं माधुरी कुठं सनी, काय आहे का नाही? "मेरा पिया घर आया 2.0" वरुन सनीवर नेटकऱ्यांची आगपाखड

Sunny Leone Mera Piya Ghar Aaya 2.0 Song: माधुरी दीक्षित ही बॉलिवूडची यशस्वी अभिनेत्री आहे. तिने आजवर बऱ्याच हिट चित्रपटातुन प्रेक्षकांचे मनोरंजन केले आहे. तिचा 1995 साली 'याराना' हा चित्रपट प्रदर्शित झाला होता.

दिग्दर्शक डेविड धवन या चित्रपटातील 'मेरा पिया घर आया' हे गाणे खूप लोकप्रिय झाले. या गाण्यात माधुरीने तिच्या अप्रतिम नृत्याने सर्वांनाच वेड लावले होते. आता माधुरीच्या या आयकॉनिक गाण्याचा रिमेक करण्यात आला आहे.

तब्बल 28 वर्षांनंतर बी टाऊन अभिनेत्री सनी लिओनीने 'मेरा पिया घर आया' या गाण्याचा रिमेक तयार केला आहे जो आज प्रेक्षकांच्या भेटीला आला आहे.

सनी लिओनच्या नुकत्याच रिलीज झालेल्या " मेरा पिया घर आया 2.0 " ने प्रेक्षकांना भुरळ घातली आहे.

माधुरी दीक्षित नेने यांच्यावर चित्रित केलेल्या आयकॉनिक ट्रॅक च्या नव्याकोऱ्या म्युजिक व्हर्जन ने रसिकांची मने जिंकली आहेत.

सनीने यापुर्वीही बऱ्याच बॉलिवूड चित्रपटांमध्ये आयटम साँग केले आहेत. त्याचबरोबर सनीने अनेक म्युझिक व्हिडिओंमध्येही तिच्या नृत्याची झलक दाखवली आहे.

आता सनी लिओनीने आता बॉलिवूड सुपरस्टार माधुरी दीक्षितच्या 'मेरा पिया घर आया' या सुपरहिट गाण्याचा रिमेकने सर्वांना धक्का दिला आहे.

सनीचा हा क्लासिक ट्रॅक काही तासातच व्हायरल झाला आहे. तिच्या चाहत्यांनी या गाण्याला खुप पसंती दिली आहे.

मात्र माधुरी दीक्षितच्या चाहत्यांना सनीचे हे नवीन गाणं काही खास आवडलेलं नाही. अनेकांनी या रिमेक गाण्यावर टीका केली आहे. तर बऱ्याच नेटकऱ्यांनी सनी आणि माधुरीची तुलना केली आहे.

'केनेडी' मध्ये तिला जागतिक स्तरावर ओळख मिळाल्यानंतर आता सनी "कोटेशन गँग" या तमिळ चित्रपटात चमकणार आहे.