Television:हे मॉं माताजी...'TMKOC'मध्ये कोणी तरी येणार गं...

'तारक मेहता का उल्टा चष्मा' ही मालिका अतिशय लोकप्रिय मालिकांमधील एक मालिका आहे.14 वर्षांपासून ही मालिका प्रेक्षकांचं भरभरून मनोरंजन करतेय.असं कोणीच नसेल ज्यांनी ही मालिका पाहिली नसेल. या मालिकेतील जवळपास सर्वच भूमिका घरघरात पोहोचल्यात. गेल्या काही वर्षात यामालिकेतील कलाकार बदललेत आणि त्यांची जागा नव्या कलाकारांनी घेतले.सर्वांच भरभरुन मनोरंजन करणारी दयाबेनची भूमिका काही परतलीच नव्हती.

मात्र, आता चहात्यांसाठी आनंदाची बातमी निर्माते घेवुन आलेत.या मालिकेतील सर्वात लोकप्रिय भुमिका म्हणजेच दयाबेन लवकरच परतणार आहे. निर्माते असितकुमार मोदी हे मालिकेत दयाबेनची भूमिका परत आणण्याबाबत स्पष्टच माहिती दिलीय.ऑक्टोबर किंवा नोव्हेंबरच्या सुरुवातीला मालिकेत दयाबेनची वापसी करण्याचा निर्णय निर्मात्यांनी घेतला आहे . मात्र दिशा वकानीच दयाबेनच्या भूमिकेत परत येणार की कुणी दुसरी अभिनेत्री तिची जागा घेणार हे मात्र समजू शकलं नाही.

दिशाने मॅटर्निटी लीव्ह घेत मालिका सोडली होती. मुलांच्या जन्मानंतर ती मालिकेत परतणार असे वाटले मात्र तिने कुटुंबाला प्राधान्य देत मालिकेत परत न येण्याची भूमिका घेतली. मात्र,आता दयाबेनची भूमिका परत येणार असल्याची माहिती कळाल्यानंतर प्रेक्षक पुन्हा दिशा वकानीलाच दयाबेनच्या भूमिकेत पाहण्याला पसंती देतील. यात काही शंकाच नाही.