मुंबई : पिंजरा (Pinjara Movie) या गाजलेल्या मराठी चित्रपटात खलनायिकेची भूमिका साकारलेल्या ज्येष्ठ अभिनेत्री वत्सला देशमुख (Vatsala Deshmukh) यांचं निधन झालं आहे, वयाच्या ९२ व्या वर्षी त्यांनी अखेरचा श्वास घेतला. त्यांच्या मागे कुटुंबात सध्या नातसून आणि नातू हे आहेत. दिवंगत प्रसिद्ध अभिनेत्री संध्या यांच्या त्या मोठ्या बहिण होत्या तर दिवंगत अभिनेत्री रंजना देशमुख यांच्या त्या मातोश्री होत्या. संध्या आणि वत्सला यांनी पिंजरा सिनेमात एकत्र काम केलं होतं. (Veteran actress Vatsala Deshmukh passes away)
वत्सला देशमुख यांनी अनेक मराठी तसेच हिंदी चित्रपटांमध्ये भूमिका साकारल्या. राक्षसी महत्वकांक्षा, सौदामिनी, बेबंदशाही, रायगडाला जेव्हा जाग येते आदी नाटकांमध्ये त्यांनी भूमिका केल्या. तसेच चित्रपटांमध्ये त्यांनी आई, काकू, मावशी अशा प्रकारच्या भूमिका केल्या. तुफान और दिया, नवरंग, जलबीन मछली नृत्यबिन बिजली, लडकी सह्याद्री की या हिंदी चित्रपटात त्यांनी भूमिका साकारल्या. तसेच पिंजरा, बाळा गाऊ कशी अंगाई, ज्योतिबाचा नवस अशा मराठी चित्रपटांत त्यांनी भूमिका साकारल्या.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.