औरंगाबाद : दुचाकी-आयशरची धडक, चालक जागीच ठार; संतप्त जमावाने पेटविला आयशर 

apghat.jpg
apghat.jpg

आडुळ (औरंगाबाद) : भरधाव आयशर ने दुचाकीला धडक दिल्याने दुचाकीस्वार जागीच ठार झाला. यानंतर संतप्त जमावाने दुचाकीला उडविणारया आयशर ला औरंगाबाद-सोलापुर राष्ट्रीय महामार्गावरील दाभरुळ फाटा (ता.पैठण) येथे आडवुन आयशर पेटवुन दिला. घटनेची माहिती मिळाल्यानंतर पाचोड पोलिसांनी घटनास्थळी धाव घेवून आयशरला लागलेली आग विजविण्याचा पर्यंत केला. मात्र त्यांना यश आले नाही. यानंतर अग्निशामक दलाने आग आटोक्यात आणली. 

रामनाथ सांडु बमनावत (वय ३८ वर्षे), राहणार निहालसिंग वाडी ता. अंबड है दुचाकी क्रमांक एमएच २० एसी ०७४९ ने दैनंदिन कामे आटोपुन दाभरुळ फाट्याकडुन गावी निहालसिंग वाडी येथे जात होते. नेमके त्यावेळी अंबडकडून भरधाव वेगाने येणारा आयशर क्रमांक एमएच २० सीटी २१९८ हा कपाशीच्या गाठी (रोल) वाहतूक करणारया आयशरने दुचाकीला जोराची धडक दिली. यात दुचाकीस्वार रामसिंग बमनावत हे जागीच ठार झाले. अपघाताची माहिती मिळताच जमावाने आयशरचा पाठलाग करुन आयशरला दाभरुळ फाटा येथे आडवुन पेटवुन दिले. आयशर मध्ये कापशीच्या गाठी असल्याने आयशरने मोठा पेट घेतला. 

घटनेची माहिती मिळताच पाचोड पोलिस ठाण्याचे गोरखनाथ कनसे, नुसरत शेख, जीवन गुढेकर यांनी घटनास्थळी धाव घेऊन पेट घेतलेल्या आयशरची आग विझविण्याचा पर्यंत केला मात्र आग विझविण्यात यश येत नव्हते. त्यामुळे त्यांनी अग्निशामक दलाला पाचारण करुन आग आटोक्यात आणली. या अपघाताची नोंद पाचोड पोलिस ठाण्यात घेण्यात आली असून पुढील तपास ठाण्याचे सहाय्यक पोलीस निरीक्षक अतुल येरमे यांच्या मार्गदर्शनाखाली पोलीस करीत आहे.. 

(संपादन-प्रताप अवचार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com