धक्कादायक! औरंगाबादेत १८४ व्यापारी कोरोनाबाधीत!, आज उच्चांकी ३९९ जण पॉझिटीव्ह

File Photo
File Photo

औरंगाबाद : शहरात लॉकडाऊन शिथील करण्यात आला असुन या काळात २ हजार ७३२ जण बाधीत निघाले. आजही (ता. १९) जिल्ह्यातील आणखी ३९९ नागरिक कोरोनाबाधीत असल्याचा अहवाल प्राप्त झाला. धक्कादायक म्हणजे १८४ व्यापारी कोरोनाबाधीत असल्याचे व्टिटच महापालिका आयुक्त आस्तिककुमार पांडे यांनी केले आहे. 

आज बाधीतांमध्ये शहरातील ३६० व ग्रामीण भागातील ३९ जणांचा समावेश आहे. आतापर्यंत १० हजार ८०३ जण कोरोनाबाधित आढळले आहेत. त्यापैकी ६ हजार १४१ रुग्ण बरे झाले आहेत. आतापर्यंत ३९६ जणांचा मृत्यू झाला असुन ४ हजार २६६ जणांवर उपचार सुरु आहेत. 

अँटीजेन टेस्टद्वारे केलेल्या तपासणीत १३७ पॉझिटिव्ह आले आहेत. यातही सिटी एंट्री पॉइंटवर ३४, मोबाईल स्वॅब कलेक्शन पथकास ९९ आणि ग्रामीण भागात ४ रुग्ण आढळलेले आहेत. जिल्ह्यात आज १५५ जणांना सुटी देण्यात आली. यात शहरातील ११५ व ग्रामीण भागातील ४० जणांचा समावेश आहे. 

१८४ व्यापारी पॉझिटीव्ह 

औरंगाबादेत भाजी विक्रेते, किराणा दुकानांसह इतर दुकानदारांचीही कोवीड चाचणी घेतली जात आहे. यात घेण्यात आलेल्या व्यापाऱ्यांच्या अँटीजेन टेस्टमध्ये तब्बल १८४ जण पॉझिटिव्ह आढळलेले आहेत. ही माहिती महापालिका आयुक्तांनी व्टिट करुन दिली. 

कोरोना मीटर 
बरे झालेले रुग्ण -६१४१ 
उपचार घेणारे रुग्ण - ४२६६ 
एकूण मृत्यू - ३९६ 
-- 
आतापर्यंत एकूण बाधित - १०८०३ 
-- 

चार कोरोनाबाधितांचा मृत्यू

औरंगाबादेत चार कारोनाबाधीत रुग्णांचा मृत्यू झाला. यात दोन पुरुष व दोन महिलांचा समावेश आहे. आतापर्यंत जिल्ह्यात ३९६ जणांचा बळी कोरोनासह इतर व्याधींमुळे गेला आहे. 

सादात नगर येथील ३८ वर्षीय पुरुषाला घाटी रुग्णालयात ११ जुलैला भरती करण्यात आले. त्यांचा कोरोना चाचणी अहवाल १२ जुलैला पॉझिटीव्ह आला. त्यांचा १८ जुलैला दुपारी तीनच्या सुमारास मृत्यू झाला.

गजानन कॉलनी येथील ४२ वर्षीय पुरूषाला घाटी रुग्णालयात १ जुलैला भरती करण्यात आले. त्यांचा कोरोना चाचणी अहवाल त्याच दिवशी पॉझिटीव्ह आला. त्यांचा १९ जुलैला सकाळी सव्वा सातच्या सुमारास मृत्यू झाला.

राधास्वामी कॉलनी, जटवाडा हर्सुल येथील ६५ वर्षीय महिलेला घाटी रुग्णालयात १६ जुलैला भरती करण्यात आले. त्यांचा कोरोना चाचणी अहवाल त्याच दिवशी पॉझिटीव्ह आला. त्यांचा १९ जुलैला दुपारी साडेबाराच्या सुमारास मृत्यू झाला. एका खासगी रुग्णालयात एसटी कॉलनी येथील ३० वर्षीय कोरोनाबाधित महिला रुग्णाचा उपचारादरम्यान मृत्यू झाला. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com