तोतया पोलिस अधिकाऱ्याने सव्वा लाखाचे दागिने लुटले, लातूरची घटना

crime news 1.jpg
crime news 1.jpg

लातूर : येथील नांदेड रस्त्यावर यशवंत विद्यालयाच्या परिसरात एका शेतकऱ्याला आपण पोलिस अधिकाऱ्याची बतावणी करून दोघा तोतयांनी सव्वा लाखाचे दागिने लुटल्याचा प्रकार येथे घडला. या प्रकरणी विवेकानंद चौक पोलिस ठाण्यात गुन्हा नोंद करण्यात आला आहे. 

येथील नांदेड रस्त्यावर यशवंत शाळेच्या परिसरात मळवटी रस्त्यावर राहणारे शेतकरी द्वारकादास भुतडा (वय ७०) यांना दोन अनोळखी व्यक्तींनी अडवले. आम्ही पोलिस उपअधीक्षक असल्याचे त्यांनी भुतडा यांना सांगितले.

हाताच्या बोटातील सात ग्रॅमची सोन्याची अंगठी, एक महाराजा लालखडा असलेली आठ ग्रॅमची सोन्याची अंगठी, एक दहा ग्रॅमचे ब्रासलेट, १५ ग्रॅमचे बदाम पान असे एकूण चार तोळे सोन्याचे दागिने, खिशातील डायरी, एक घड्याळ त्यांनी रुमालात बांधण्यास सांगितले. तो रुमाल भुतडा यांच्या दुचाकीच्या डिक्कीत ठेवतो असे भासवून त्यांनी हा सर्व एक लाख २० हजार रुपयांचे दागिने तोतयागिरी करून चोरून नेले. या प्रकरणी विवेकानंद चौक पोलिस ठाण्यात गुन्हा नोंद करण्यात आला आहे. 

(संपादन-प्रताप अवचार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com