उमरगा (उस्मानाबाद) : येथील कोविड रुग्णालयातुन बुधवारी (ता.२२) पाठविण्यात आलेल्या ऐंशी स्वॅब पैकी दोघांचे अहवाल शुक्रवारी (ता. २४) पॉझिटिव्ह आल्यानंतर गुरूवारी (ता. २३) पाठविलेल्या सर्व ४८ जणांचे अहवाल शनिवारी (ता.२५) निगेटिव्ह आल्याने नागरिकांना दिलासा मिळाला आहे. दरम्यान आत्तापर्यंत ७१ जणांना डिस्चार्ज मिळाला असून कोविड रुग्णालयातील डॉक्टर्स, कर्मचाऱ्यांनी सुरू ठेवलेल्या रुग्णसेवेमुळे नागरिकांना दिलासा मिळतोय.
शहर व तालुक्यात २७ जुनपूर्वी सतरा पॉझिटिव्ह रूग्ण आढळून आले होते. त्यानंतर बाधितांच्या संख्येत वाढ झाली, मात्र गेल्या दोन दिवसात बाधितांची संख्या कमी झाली आहे. शुक्रवारी ८० पैकी दोघांचे अहवाल पॉझिटिव्ह आले होते. शनिवारी सर्वच ४८ अहवाल निगेटिव्ह आल्याने नागरिकामध्ये असलेल्या भितीचे वातावरण थोडे कमी झाले आहे. दरम्यान शुक्रवारी पाठवलेल्या ७६ स्वॅबचा अहवाल रविवारी प्राप्त होईल त्यात पालिकेच्या ४० कर्मचाऱ्यांचे स्वॅब तपासणीला घेण्यात आले आहेत.
आरोग्य कर्मचाऱ्याने घेतला प्लाझ्मा दान करण्याचा निर्णय
कोविड रुग्णालयात अत्यंद जोखीमेतून डॉक्टर्स, कर्मचाऱ्याकडून रुग्ण सेवा सुरू आहे. अशा कठीण परिस्थितीत काम करताना तीन आरोग्य कर्मचाऱ्यांना कोरोनाची बाधा झाली. सर्वप्रथम संदीप दत्ताञय वाघमारे या कर्मचाऱ्याला बाधा झाली होती. या कर्मचाऱ्यावर रुग्णालयीन कोव्हिड- ९ चा तालुकास्तरीय दैनंदिन अहवाल तयार करणे, वरिष्ठांना दैनंदिन माहिती वेळेत देणे, दैनंदिन स्वॅब लिस्ट तयार करुन तपासणीसाठी सर्व रुग्णांची अद्ययावत माहिती देऊन पाठविणे, अहवाल पॉझिटीव्ह आला तर संबंधीताच्या संपर्कातील लोकांना संपर्क करणे इत्यादी कामाची जबाबदारी सोपविण्यात आली होती.
श्री. वाघमारे महिन्यातून चार ते पाच दिवस सुट्टी घेऊन अविरत काम करत होता. घरी दिड वर्षाची मुलगी बाबा कधी येणार अशी सतत फोनवर बोलत होती परंतू घरी जाणे शक्य नसल्याने तिचे फोनवरूनच सांत्वन करुन दररोजचा दिवस जात होता. या काळात ३० जुनला अचानक ताप आल्याने कोरोनाची तपासणी केल्यानंतर श्री. वाघमारेचा अहवाल पॉझिटीव्ह आला. दहाव्या दिवशी निगेटिव्ह होऊन त्यांनी कोरोना विषाणूवर मात केली.
पुढे चौदा दिवस विलगीकरण होऊन २२ जुलैला पुन्हा आरोग्य सेवेत रुजू होऊन तो खरा कोरोना योध्दा झाला. वैद्यकिय अधिक्षक डॉ. अशोक बडे यांच्या हस्ते श्री. वाघमारे यांचा सत्कार करण्यात आला. श्री. वाघमारे यांनी मुख्यमंत्री उद्धव ठाकरे यांच्या अहवानाला साद देत प्लाझ्मा दान करण्याची इच्छा व्यक्त केली असून लवकरच ही प्रक्रिया पूर्ण केली जाणार असल्याचे त्यांनी सांगितले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.