esakal | नवी मुंबई : महापालिकेकडून नवरात्रोत्सवानिमित्त वस्तूंचे प्रदर्शन व विक्री
sakal

बोलून बातमी शोधा

mumbai

नवी मुंबई : महापालिकेकडून नवरात्रोत्सवानिमित्त वस्तूंचे प्रदर्शन व विक्री

sakal_logo
By
सकाळ वृत्तसेवा

नवी मुंबई : महिलांच्या निर्मिती क्षमतेला ऊर्जेला योग्य संधी उपलब्ध करून देण्यासाठी विविध योजना उपक्रमांच्या माध्यमातून नवी मुंबई महापालिका नेहमीच आघाडीवर असते, असे अतिरिक्त आयुक्त सुजाता ढोले यांनी सांगितले. महिलांनी बनविलेल्या विविध वस्तूंच्या विक्रीकरिता व्यासपीठ उपलब्ध करून देण्यासाठी आयोजित प्रदर्शनप्रसंगी त्या बोलत होत्या.

नवी मुंबई महापालिका बेलापूर विभाग कार्यालयातर्फे सीवीडी बेलापूर येथील वारकरी भवनमध्ये नवरात्रोत्सवाचे औचित्याने महिला स्नेहसंमेलन व महिलांनी तयार केलेल्या वस्तूंचे प्रदर्शन व विक्री उपक्रमाचे आयोजन केले होते. याप्रसंगी सनराईज कैंडल्स अँड ओशोनी व्हिजन फॉर द ब्लाईंड वेल्फेअर सोसायटीचे संस्थापक अध्यक्ष डॉ. भावेश भाटिया, उपक्रमाच्या आयोजक बेलापूर विभागाच्या सहा. आयुक्त डॉ. मिताली संचेती, नागरी आरोग्य केंद्र सीबीडी बेलापूरच्या वैद्यकीय अधिकारी डॉ. दर्शना वाघमारे तसेच माजी नगरसेवक, नगरसेविका आदी उपस्थित होते.

हेही वाचा: सोलापूर महापालिका निवडणूक नेतृत्वाबाबत शरद पवार घेणार निर्णय

दिव्यांगाना मेणवत्ती निर्मिती उद्योगाच्या माध्यमातून रोजगाराची संधी उपलब्ध करून देणारे व्याख्याते डॉ. भावेश भाटिया यांनी शेरोशायरीच्या माध्यमातून व्यवसायविषयक अनुभव कथन केले. व्यवसाय करताना मार्केटिंग महत्त्वाचे असल्याचे सांगत ग्राहकांशी सौजन्यपूर्ण संवाद, वस्तू विक्रीचे कौशल्य याविषयी त्यांनी अनेक महत्त्वाच्या सूचना केल्या. दोन दिवसीय प्रदर्शनामध्ये महिलांनी उत्पादित केलेल्या विविध वस्तुंचे २३ स्टॉल्स लावण्यात आले होते.

हेही वाचा: आंदोलनाची आठवण असावी; शेतकऱ्यांना मोफत टॅटू काढून देणारा स्टॉल 

रुचकर खाद्यपदार्थांचे स्टॉल दिव्यांगांनी निर्माण केलेल्या मेणबत्ती व इतर वस्तुंचा स्टॉल तसेच कपडे, पिशव्या, पर्सेस, खेळणी व इतर आकर्षक वस्तुंचे स्टॉल्ससह ४ स्टॉल्स महिला वचत गटांसाठी होते. कोरोना प्रभावित व्यवसायाला आलेली शिथिलता कमी करून महिला बचत गट तसेच दिव्यांगांना स्वयंरोजगारासाठी व्यासपीठ मिळावे हा प्रयत्न असल्याचे डॉ. मिताली संचेती यांनी सांगितले.

loading image
go to top