मुंबईतील चाळींमध्ये राहणाऱ्यांची पाण्याची चिंता मिटली, आता मिळणार मुबलक पाणी

मुंबई : मुंबईतील चाळींमधिल पाण्याचा प्रश्न आता सुटणार आहे. चाळींच्या परीसरात भुमिगत पाण्याची टाकी बसवण्याची परवानगी मुंबई महापालिकेेने दिली आहे.

मुंबईतील उपकार प्राप्त इमारती या 80 वर्षांपेक्षा जून्या आहेत. या चाळींमध्ये नव्या इमारतींप्रमाणे पाणी साठविण्यासाठी भुमिगत टाक्या नाही. त्यामुळे मुंबई महापालिकेकडून आलेले पाणी घराघरात साठवले जाते. मात्र, घरे लहान असल्याने घरात पाणी साठवण्यावर मर्यादा आहे. या चाळींमध्ये राहणाऱ्या दोन तीन पिढ्यांनी पाण्यासाठी हाल सोसले आहेत.

आता घरात पाण्याच्या टाक्या असल्यातरी पुर्वी लहान मोठ्या भांड्यातही पाणी साठवले जात होते. नव्या टॉवरमध्ये मुबलक पाणी मिळते तर जून्या चाळींमध्ये नेहमीच पाण्याची बोंब असते. अशा तक्रारी रहिवाशांकडून नेहमीच केल्या जात होत्या.

महत्त्वाची बातमी : उदय सामंत यांची सुरक्षा वाढवली, धमक्यांचे फोन आल्यानंतर देण्यात आली Y अधिक एस्कॉर्टस सुरक्षा

भाजपच्या नेहल शहा यांनी डिसेंबर 2019 मध्ये पालिकेच्या भुखंडावरील जून्या चाळींना भुमिगत पाण्याची टाकी बांधण्याची परवानगी द्यावी अशी ठरावाची सूचना मांडली होती. त्यावर प्रशासनाकडून महासभेत उत्तर सादर करण्यात आले आहे. पालिकेच्या मालमत्ता विभागाच्या अखत्यारीत असलेल्या उपकर प्राप्त इमारतीचे भुखंड हे मक्त्याने दिलेले आहेत. मक्ताधारकांनी पाण्याची टाकी बांधण्याची परवानगी मागितल्यास पालिककडून देण्यात येईल असे स्पष्ट केले आहे. पालिकेच्या या निर्णयामुळे हजारो रहिवाशांना दिलासा मिळाला आहे.

नक्की काय होतं 

चाळींमध्ये भुमिगत टाक्या नसल्याने पालिकेचे पाणी थेट घरापर्यंत पुरवले जाते. या चाळी चार ते पाच मजली किंवा त्याहून जास्त मजल्याच्या आहेत. पाण्याचा दाब कमी असल्यास पाणी वरच्या मजल्यापर्यंत पोहचण्यास अडचणी येतात. त्यामुळे पाण्याचा प्रश्न अधिक गंभिर होते.

महत्त्वाची बातमी :  सुशांतसिंग मृत्यू प्रकरण : बडा दिग्दर्शक एनसीबीच्या निशाण्यावर

काय फायदा होईल 

पालिकेकडून आलेले पाणी भुमिगत टाकीत साठवणे शक्य होणार आहे. हे पाणी पंपच्या सहाय्याने चाळीच्या वरच्या मजल्यापर्यंत पोहचविणे शक्य होईल.

( संपादन - सुमित बागुल ) 

old chawls in mumbai will get more water as BMC gave permission for underground water tanks