ST कर्मचाऱ्यांच्या थकीत वेतनप्रकरणी कामगार आयुक्तांचे चौकशीचे आदेश  

मुंबई : राज्यातील राज्य परिवहन मंडळाच्या कर्मचाऱ्यांसाठी अत्यंत महत्त्वाची बातमी. कारण राज्य परिवहन मंडळातील कर्मचाऱ्यांच्या थकीत पगाराबाबत आता कामगार आयुक्तांनी चौकशीचे आदेश आदेश दिले आहेत. गेल्या तीन महिन्यांपासून राज्यातील राज्य परिवहन मंडळ कर्मचाऱ्यांचे पगार थकलेले आहेत. दरम्यान, पगार न दिल्याने कायद्याचा भंग होत असल्याचं निदर्शनास आले आहे. या कारणामुळे राज्य परिवहन मंडळाला म्हणजेच ST मंडळाला कायदेशीर नोटीस बजावण्यात आलेली आहे. मुंबईतील मुख्य कामगार आयुक्तांनी ही नोटीस पाठवली आहे. 

महत्त्वाची बातमी : "एक मराठा, लाख मराठा" म्हणत आज मातोश्रीवर धडकणार मशाल मोर्चा

गेल्या तीन महिन्यांचे ST कर्मचाऱ्यांचे पगार रखडलेले आहेत. पगार मिळावा म्हणून राज्य परिवहन महामंडळाच्या कर्मचाऱ्यांनी अनेक आंदोलने केलीत. मात्र त्याचा काहीही परिणाम झाला नाही. दरम्यान, कोणत्याही प्रकारची पावलेही उचलली जात नसल्याने राज्य परिवहन मंडळाशी निगडित संस्थांनी आपापल्या विभागीय कामगार आयुक्तांचे दरवाजे ठोठावले होते. प्रत्येक विभागाने आपापल्या विभागीय कामगार आयुक्तांच्या भेटी घेतल्यानंतर आता मुंबईतील मुख्य कामगार आयुक्तांनी याप्रकरणी विभागवार चौकशी करून विभागवार बैठक लावल्या.

महत्त्वाची बातमी : पहिल्यांदाच शिवाजी पार्क मैदानातून सापडतायत साप, नागरिकांमध्ये भीतीची भावना

या बैठकीनंतर ST महामंडळाचे कर्मचारी आणि या संघटनांना एकत्र बोलावून निर्णय घेण्यात येईल. दरम्यान या तपासाअंती ST कर्मचाऱ्यांचे पगार दिलेले नाहीत ही बाब समोर आली तर मात्र यावर फौजदारी स्वरूपाची कारवाई होण्याची शक्यता वर्तवली जातेय.  

Order of inquiry by the Commissioner of Labor in the case of overdue wages of ST employees