

Tukaram Munde House Robbery
esakal
Mumbra Police Investigation : दिवा शहरातील वाढत्या गुन्हेगारीच्या घटनांमुळे नागरिकांच्या सुरक्षेचा प्रश्न ऐरणीवर आला आहे. आगासन गावात मध्यरात्री ८ ते १० दरोडेखोरांनी एका बंगल्यात घुसून दरोडा टाकल्याची घटना घडली. या वेळी अडीच तोळे सोने आणि ८० हजार रुपयांची रोकड असा मुद्देमाल चोरट्यांनी लंपास केला. तसेच घरमालक तुकाराम सत्यवान मुंडे यांच्यावर प्राणघातक हल्ला करण्याचाही प्रयत्न केला. ग्रामस्थांनी वेळीच धाव घेतल्याने दरोडेखोरांनी घटनास्थळावरून पळ काढला.