Rain in Maharashtra : ‘वेस्टर्ली इफेक्ट’ मुळे लवकरच पावसाचे आगमन

Weather Change in Mumbai : दिवसेंदिवस वाढत चाललेल्या उन्हाच्या तडाख्यात आता पावसाबद्दल एक नवीन अपडेट समोर आलीये. ‘वेस्टर्ली इफेक्ट’ म्हणजेच पश्चिमी वाऱ्याचा परिणाम. म्हणून राज्यातील काही भागात हवेत आर्द्रता पसरण्याची शक्यता आहे. यामुळे मुंबईसह ठाणे, पुणे परिसरामध्ये पावसाची शक्यता वर्तविण्यात आली आहे.

मुंबईत सर्वात कमी म्हणजे केवळ ३० टक्के पाऊस होण्याची शक्यता हवामान अभ्यासक ऋषीकेश आग्रे यांनी व्यक्त केली आहे. गेल्या आठवड्यापासून मुंबईकर उकाड्याने हैराण झाले आहेत. त्यातच मुंबई शहरासह उपनगरात पावसाची शक्यता वर्तविण्यात आली आहे.

ठाणे परिसरामध्ये ४० ते ४५ टक्के, कल्याण, बदलापूर येथे ६५ टक्के, कर्जत परिसरात ७५ ते ८० टक्के पावसाचा अंदाज वर्तविण्यात आला आहे.

पुणे शहर आणि लोणावळा परिसर पट्ट्यात सर्वात जास्त पाऊस होण्याची शक्यता आहे. पुणे ते लोणावळा दरम्यान ९९.९; तर पुणे शहरात ९९.४ टक्के पावसाची शक्यता आहे.