कोल्हापुरात मान्सूनपूर्व पावसाची जोरदार हजेरी 

कोल्हापूर : आज सकाळपासून अंगाची लाही लाही होत असताना अचनकच ढगांच्या कडकडाटासह जिल्ह्यात आज मान्सूनपूर्व पावसाने जोरदार हजेरील लावली. त्यामुळे गेल्या दोन दिवसात जाणवणाऱ्या कडक उखाड्यानंतर सुरु झालेल्या पावसामुळे जिल्हावासियांना दिलासा मिळाला आहे. तसेच कृषी विभागाने दिलेल्या सूचनेनूसार मे महिन्याच्या तिसऱ्या आवठवड्यात ज्यांनी-ज्यांनी भाताची पेरणी केली, त्यांच्यासाठी हा पाऊस खूपच पोषक ठरणार आहे. 

कोल्हापुरच्या बातम्या वाचण्यासाठी येथे क्लिक करा

केरळमध्ये 1 जून आणि सिंधूदुर्गसह इतर जिल्ह्यात 9 ते 10 जूनपर्यंत मॉन्सून सक्रीय होईल, असा अंदाज भारतीय हवामान खात्याने वर्तवला आहे. दरम्यान, जिल्ह्यात आजच त्याचा प्रत्यय आला आहे. ढगांच्या कडकडाटासह जोरदार पडत असलेल्या पावसामुळे काही मिनिटात मान्सून सक्रीय झाल्याचे वातावरण दिसू लागले आहे. हा पाऊस कोल्हापूर जिल्ह्यात सर्व दूर सुरू झाला आहे. कोल्हापूर शहरात दुपारी 2 : 35 मिनिटांनी पावसाला सुरुवात झाली. पंधरात ते वीस मिनिटातच शहरातील गटारी आणि रस्ते तंडुंब भरुन वाहू लागले आहेत. 

दुपारी आलेल्या मान्सूनपूर्व पावसाने जिल्हावासियांना चांगलाच दिलासा दिला. प्रचंड उष्म्यामुळे कासावीस झालेल्या नागरिकांना पावसाचा सुखद गारवा मिळाला. शहर व परिसरात तसेच जिल्ह्याच्या पूर्वभागात चांगला पाऊस झाला.

हे पण वाचा - भोंदुबाबाने घातला तब्बल ३५ लाखांना गंडा ; पती-पत्नीस अलिप्त राहण्याचा द्यायचा सल्ला 

आठवडाभरापासून उन्हाची तीव्रता वाढली होती. यामुळे नागरिक हैराण झाले होते. आज सकाळपासूनच हवेतील उष्मा वाढला होता. त्यामुळे दिवसभरात पाऊस येणार याचा अंदाज नागरिकांनी बांधला होता. दुपारी आकाशात काळ्या ढगांची गर्दी झाली. ढगांच्या गडगडाटासह जोरदार पाऊस सुरु झाला. तासभर पडलेल्या पावसामुळे शहरभर पाणी साचले.

हे पण वाचा - त्या चिमुरडीचा अहवाल पॉझिटिव्ह आला, कुटुंबियांच्या पायाखालची वाळूच सरकली पण...

ग्रामीण भागात शेतीच्या कामाला वेग आला आहे. पाऊस पडणार याचा अंदाज घेऊन शेतकऱ्यांनी पेरणीच्या कामाला वेग दिला आहे. पेरणीच्या वेळी पाऊस सुरु झाल्याने शेतकऱ्यांत समाधानाचे वातावरण आहे. या आठवडय़ात चांगला पाऊस होईल अशी शक्यताही वर्तविली जात आहे.