- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
बारामती : ऐनवेळेस भारतीय जनता पक्षाने राष्ट्रीय समाज पक्षाची कोंडी केल्यामुळे आता महादेव जानकरांनी निर्णायक भूमिका घ्यावी, यासाठी रासपच्या कार्यकर्त्यांनी जानकर यांच्यावर दबाव वाढविण्यास सुरवात केली आहे.
दौंड आणि जिंतूर या दोन्ही ठिकाणी रासपच्या उमेदवारांना एबी फॉर्म देत भाजपने रासपची गोची केली आहे. त्यामुळे राज्यभरातील कार्यकर्ते कमालीचे संतप्त झाले आहेत. याबाबत आता काहीतरी निर्णय घ्यावा, असे कार्यकर्त्यांचे मत आहे.
दरम्यान, या संदर्भात चर्चा करण्यासाठी सोमवारी (ता.7) सकाळी 11 वाजता मुंबईत रासपच्या कार्यालयात एका बैठकीचे आयोजन करण्यात आले आहे.
पश्चिम महाराष्ट्राचे रासपचे अध्यक्ष माणिकराव दांगडे-पाटील यांनी याबाबत माहिती दिली. रासपला विविध प्रकारे जागांचे आश्वासन देऊन सरतेशेवटी दोनच जागा देण्याची भूमिका भाजपने घेतली होती. या दोन जागा देतानाही भाजपतर्फे रासपच्या उमेदवारांना एबी फॉर्म दिलेला असल्यामुळे भाजपने रासपची फसवणूक केली आहे, अशी कार्यकर्त्यांची भावना तयार झाली आहे.
त्यामुळे या पार्श्वभूमीवर आता महादेव जानकर यांनी काहीतरी ठोस भूमिका घ्यावी, असा आग्रह कार्यकर्त्यांनी धरला आहे. सोमवारी मुंबईत होणाऱ्या रासपच्या बैठकीकडे आता राज्यभरातील कार्यकर्त्यांचे लक्ष लागून राहिले आहे. यामध्ये सर्व साधक-बाधक गोष्टींची चर्चा करून निर्णय घेतला जाईल, असे माणिकराव दांगडे यांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.