Four Wheeler : कोल्हापुरात 13 चारचाकींची तोडफोड, पद्मावती मंदिर परिसरातील घटना

कोल्हापूर : मंगळवार पेठेतील पद्मावती मंदिर जवळ रस्त्याकडेला उभे असणारे १३ मोटारीची अज्ञात आणि तोडफोड केली. काही मोटार येतील कार टेप ही चोरून नेले. आज सकाळी हा प्रकार निदर्शनास आला. तसेच परिसरातील नागरिक येथे जमा झाले. त्यांनी याची माहिती जुना राजवाडा पोलिसांना दिली. (kolhapur)

पोलिसांनी घटनास्थळी धाव घेऊन पंचनामा करण्यास सुरुवात केली. मध्यरात्री दोन नंतर हा प्रकार घडला आहे. तोडफोड करण्यात आलेल्या अनेक मोटारी या परिसरातील अपार्टमेंटमधील असल्याचे स्थानिकांकडून सांगण्यात आले. यासंदर्भात गुन्हा दाखल करण्याचे काम जुना राजवाडा पोलीस ठाण्यात सुरू आहे. (13 four wheeler damage by unknown person in kolhapur)

या घटनेचा व्हिडिओ सध्या व्हायरल झाले असून यामध्ये सामिल असणाऱ्यांचा शोध कोल्हापूर पोलिस घेत आहेत. मागील काही दिवसांपासून शहरातील मोक्याच्या ठिकाणी चोरी होण्याचे प्रमाण वाढले आहे. 15 दिवसांपूर्वी शहरातील कसबा बावडा परिसरातही काही बंद घरांतून चोरी करण्यात आली होती. 6 ते 8 ठिकाणी अज्ञातांकडून ही चोरी करण्यात आली होती. विशेष म्हणजे ही चोरी अनेक गल्ल्यांमध्ये पहाटेच्या सुमारास चोरी झाली होती, अशी माहिती मिळाली होती. आता या घटनेमुळे नागरिकांत घबराहट निर्माण झाली आहे.