कोल्हापूर : महाराष्ट्राचे मुख्यमंत्री उद्धव ठाकरे आहेत, मात्र अजित पवारच मुख्यमंत्री असल्यासारखे वागत आहेत. ते स्वतःच सगळ्या घोषणा करतात. अशी टीका भाजपचे प्रदेशाध्यक्ष चंद्रकांत पाटील यांनी केली आहे. महाविकास आघाडीने जाहीर केलेल्या कर्जमाफीविरोधात भाजपने दसरा चौकातून मोर्चा काढला. भाजप ग्रामीणचे जिल्हाध्यक्ष समरजितसिंह घाटगे यांच्या नेतृत्वाखाली हा मोर्चा निघाला. यावेळी पाटील बोलत होते.
पुढे बोलताना पाटील म्हणाले, महाविकास आघाडीने शेतकऱ्यांसाठी जाहीर केलेली कर्जमाफी फसवी आहे. अजित पवार उपमुख्यमंत्री आहेत, मात्र तेच मुख्यमंत्री असल्यासारखं वागत आहेत.
महाविकास आघाडीने जाहीर केलेल्या कर्जमाफीतून ९० टक्के शेतकरी वंचित राहिले आहेत. जाचक अटींमुळे पात्र शेतकऱ्यांना कर्जमाफीचा लाभ मिळवताना कसरत करावी लागणार आहे. सरसकट कर्जमाफी, निकषात बदल करण्यासह अन्य मागण्यांचे निवेदन जिल्हाधिकाऱ्यांना देण्यात आले.
हे पण वाचा - देवा... एक तरी नात ठेवायची होती...
भीमा कोरेगाव प्रकरणात केंद्राच्या समितीला सहकार्य केलं नाही, तर त्याचे कायदेशीर परिणाम भोगावे लागतील असा इशाराही चंद्रकांत पाटील यांनी यावेळी दिला.
यावेळी बोलताना घाटगे म्हणाले, ‘‘शेतकऱ्यांचा सातबारा कोरा करून शेतकऱ्यांना चिंतामुक्त करण्याची घोषणा केली. पण, कर्जमाफीसोबत दिलेल्या नियम आणि अटीमुळे राज्यातील ९५ टक्के शेतकरी कर्जमाफीपासून वंचित राहिले आहेत. दोन लाखापर्यंतचे पिककर्ज माफ केले. पण, ज्या लोकांनी नियमित कर्ज परतफेड केली. त्यांना यापासून वंचित ठेवले. त्या शेतकऱ्यांनी काय गुन्हा केला. वास्तविक प्रामाणिक शेतकऱ्यांना एक लाखापर्यंत कर्जमाफी मिळालीची पाहिजे, अशी मागणी समरजितसिंह घाटगे यांनी केली आहे.
हे पण वाचा - तर... माझ्यावर, माझ्या सहकाऱ्यांवर त्यांनी गोळ्या झाडल्या असत्या...
ज्या साखर कारखाने, बॅंक, सहकारी सेवा संस्थांमध्ये २५ हजार पगार आहे, अशा शेतकऱ्यांना कर्जमाफीचा लाभ दिला जाणार नाही. संचालक मंडळांना, मायक्रो फायनांन्सकडून कर्ज घेतले आहे. त्यांनाही कर्जमाफी मिळणार नाही. भूविकास बॅंकेकडून ज्या शेतकऱ्यांनी कर्ज घेतले, तेही कर्जमाफ झाले पाहिजे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
