Kolhapur Politics : 'कोल्हापुरात CM शिंदेंची तोफ धडाडणार; सभेत दिसणार शिवसैनिकांच्या गर्दीचा महापूर'

कोल्हापूर : मुख्यमंत्री एकनाथ शिंदे (Eknath Shinde) यांचा मेळावा यशस्वी करण्यासाठी पदाधिकारी व शिवसैनिकांनी कामाला लागावे, असे आवाहन राज्य नियोजन मंडळाचे कार्यकारी अध्यक्ष राजेश क्षीरसागर (Rajesh Kshirsagar) यांनी येथे केले. मुख्यमंत्री शिंदे शुक्रवारी (ता. १४) जिल्हा दौऱ्यावर येत आहेत.

सायंकाळी पाच वाजता शिवसेना पदाधिकारी व शिवसैनिकांचा मेळावा होणार आहे. त्याच्या नियोजनासाठी शाहू स्मारक भवनात बैठकीचे आयोजन केले होते. शिवसेना पक्षबांधणी आणि आगामी निवडणुकांच्या अनुषंगाने शिवसैनिकांशी संवाद साधण्यासाठी मुख्यमंत्री शिंदे दौऱ्यावर येत आहेत.

दौऱ्यातील पेटाळा मैदानावरील सभेस शिवसैनिकांच्या गर्दीचा महापूर दिसेल, असा विश्‍वास क्षीरसागर यांनी या वेळी व्यक्त केला. मेळावा यशस्वी करून कोल्हापूर जिल्ह्यात शिवसेनेची ताकद दाखविण्याची संधी पुन्हा शिवसैनिकांना मिळणार आहे. जिल्ह्यात शिवसेना क्रमांक एकचा पक्ष होण्यासाठी या मेळाव्याद्वारे रणशिंग फुंकले जाणार आहे.

यासाठी पदाधिकाऱ्यांनी विभागात, गावात बैठका घेण्याच्या सूचनाही त्यांनी दिल्या. या वेळी जिल्हाप्रमुख सुजित चव्हाण यांनी, विधान परिषदेचे आमदारपद क्षीरसागर यांना मिळावे व त्यांनी कोल्हापूरचे पालकमंत्री व्हावे, अशीही इच्छा व्यक्त केली. जिल्हाप्रमुख राजेखान जमादार, महानगरप्रमुख शिवाजी जाधव, शहरप्रमुख रणजित जाधव आदींनी मनोगत व्यक्त केले. अंकुश निपाणीकर यांनी प्रास्ताविक केले.

बैठकीस माजी नगरसेवक राहुल चव्हाण, नंदकुमार मोरे, रमेश खाडे, प्रा. शिवाजी जाधव, किशोर घाटगे, तुकाराम साळोखे, उदय भोसले, अविनाश बनगे, मंगलताई साळोखे, पूजाताई भोर, पवित्रा रांगणेकर, गौरी माळदकर, गीता भंडारी, सुनीता भोपळे, शाहीन काझी, पूजा कामते यांच्यासह पदाधिकारी-कार्यकर्ते उपस्थित होते.