शालेय मुलांनी रॅगिंग करून मित्राकडूनच ४० हजार रुपये उकळल्याचा धक्कादायक प्रकार कोल्हापुरात उघडकीस आलाय. क्रशर चौकात एका नामांकित शाळेत नववीत शिकणाऱ्या मुलांनी मित्राचेच रॅगिंग केलं. तसंच त्याच्याकडून वेळोवेळी पैसे उकळून ४० हजार रुपये लुटले. गेल्या तीन ते चार महिन्यांपासून हा प्रकार सुरू होता. रॅगिंगमुळे घाबरलेल्या मुलाने सुरुवातीला याबद्दल कुणालाच माहिती दिली नाही. पण जेव्हा त्याने पैसे देण्यासाठी नसल्यानं घरातले दागिने चोरल्यानं हा प्रकार समोर आला.
