चंद्रकांत पाटलांना पुन्हा डिवचलं! कोल्हापुरात लागले This is Dhangekar बॅनर

Ravindra Dhangekar: राज्याचं लक्ष लागून असलेल्या कसबा पोटनिवडणूकीत भाजपचा धक्कादायक रित्या पराभव झाला. महाविकास आघाडीचे रवींद्र धंगेकर यांनी भाजपच्या हेमंत रासने यांना धुळ चारत दणदणीत विजय मिळवला.

या विजयानंतर भाजपवर जोरदार टीका झाली. टीका होत असताना चंद्रकांत पाटलांच्या एका विधानामुळे त्यांच्यावर देखील जोरदार टीका होत आहे. पालकमंत्री चंद्रकांत पाटील कसब्यात प्रचारा दरम्यान म्हणाले होते Who Is Dhangekar हाच धागा पकडून आता पुण्यासह कोल्हापूरमध्ये बॅनर लागले आहेत.

This is Dhangekar हा बॅनर कोल्हापूर शहरातील कावळा नाका चौक परिसरात चंद्रकांत पाटलांना डिवचण्यासाठी मविआकडून लावण्यात आला आहे. त्यामुळे या बॅनरची चर्ची जिल्ह्यात आहे.

भाजपच्या दिवंगत आमदार मुक्ता टिळक यांच्या निधनानंतर कसबा पेठ विधानसभा मतदारसंघात पोटनिवडणूक लागली. भाजपचे हेमंत रासने आणि काँग्रेसचे रवींद्र धंगेकर यांच्यामध्ये कसब्यात अत्यंत चुरशीची लढाई झाली.

या निवडणुकीमध्ये महाविकास आघाडीचे नेते रवींद्र धंगेकर यांनी दणदणीत विजय मिळवला आहे. गेल्या 25 वर्षापासून बालेकिल्ला असणाऱ्या भाजपला निवडणूक अवघड का गेली याचे कारण शोधण्यासाठी भाजपला नक्की विचार करावा लागणार आहे. मात्र पुण्याचे पालकमंत्री चंद्रकांत पाटील कसब्यात तळ ठोकून होते.

कसब्याच्या निकालानंतर पालकमंत्री चंद्रकांत पाटील यांनी ट्विट करत प्रतिक्रिया दिली होती. त्यांनी ट्विट केलं होतं की, कसबा विधानसभा पोटनिवडणुकीतील‌ जनतेचा कौल आम्ही नम्रपणे स्विकारतो. लोकशाहीत जनमताचा निर्णय सर्वोच्च आहे. कसब्याच्या विकासासाठी आम्ही नेहमीच कटिबद्ध आहोत.

या निवडणुकीत सर्वस्व झोकून काम करणाऱ्या महायुतीच्या सर्व कार्यकर्त्यांचे मनापासून आभार.नव्याने उभे राहू, पुन्हा कमळ फुलवू! असं ट्विटमध्ये लिहिले आहे.