Vidhan Sabha 2019 : लबाड कोल्हे, लबाड कोल्हे....यावर चंद्रकांत पाटील म्हणाले,

कोल्हापूर - महायुतीच्या विरोधात भूमिका घेणारे आणि बंडखोरांना मदत करणाऱ्यांनी येत्या पाच दिवसांत मेळावा घेऊन आपली भूमिका जाहीर करावी; अन्यथा सर्वच दारे बंद होतील, असा इशारा मंत्री चंद्रकांत पाटील यांनी या वेळी दिला.

खासदार प्रा. संजय मंडलिक या वेळी व्यासपीठावर उपस्थित होते. त्यांनी कोल्हापूर दक्षिणमध्ये काँग्रेसचे उमेदवार ऋतुराज पाटील यांना पाठिंबा दिला आहे. त्या पार्श्‍वभूमीवर पालकमंत्र्यांचा इशारा सूचक मानला जातो. 

Vidhan Sabha 2019 : उद्धव ठाकरे म्हणाले, भविष्यात जो मुद्दा पटणार नाही त्याविरोधात राहणार 

विधानसभा निवडणुकीनंतर राष्ट्रवादी काँग्रेसमध्ये ‘मेजर प्रॉब्लेम’ होतील. हा उरलासुरला पक्षही फुटेल, अशी भविष्यवाणी पालकमंत्र्यांनी आजच्या सभेत केली. ते म्हणाले, ‘‘राष्ट्रवादीत सध्या एक नेता आणि एक वक्ता अशी दोनच माणसे राहिली आहेत. या वेळी उपस्थितांतून अमोल कोल्हे यांच्यावर लबाड कोल्हा, लबाड कोल्हा अशी टिप्पणी झाली.

Vidhan Sabha 2019 : सत्ताधाऱ्यांना शरद पवारांनी विचारला हा प्रश्न 

त्या वेळी शिवसेनेतून राष्ट्रवादीत आलेल्या अमोल कोल्हेंचाही पालकमंत्र्यांनी समाचार घेतला. सर्वांना बाहेर काढून सतेज पाटील काँग्रेसचे जिल्हाध्यक्ष झाल्याची टीका करत पालकमंत्री पाटील म्हणाले, ‘‘या दोन्ही काँग्रेसवाल्यांनी पश्‍चिम महाराष्ट्र म्हणजे आमचा बालेकिल्ला, आमच्या बापाची पेंड आहे, असे म्हणून या विभागाला लुटले आहे. गेल्या पाच वर्षांत महायुतीने खूप कामे केली आहेत. कोल्हापूरला काय केले नाही? रस्ते, टोलमुक्ती, विमानतळ विस्तारीकरण, तीर्थक्षेत्र आराखड्यासाठी निधी, नृसिंहवाडीसाठी निधी अशी अनेक कामे केली आहेत. त्यामुळे ही कामे नाकारून दोन्ही काँग्रेसला मतदान करण्याइतपत जनता नतद्रष्ट नाही. त्यामुळे या वेळी जिल्ह्यातील सर्व जागा महायुतीच्याच येणार आहेत.

Vidhan Sabha 2019 : मुख्यमंत्र्यांनी कोकणात शिवसेनेवर टाळली टिका