Shalva Kinjawadekar : अभिनेता शाल्व किंजवडेकर 'या' महिन्यात होणार विवाहबद्ध

Shalva Kinjawadekar : झी मराठीवरील 'येऊ कशी तशी मी नांदायला' या मालिकेमुळे अभिनेता शाल्व किंजवडेकर घराघरात पोहोचला. सोशल मीडियावरसुद्धा शाल्व लोकप्रिय असून त्याच्याविषयीची अपडेट्स जाणून घेण्यासाठी चाहते उत्सुक असतात. मालिकेतील त्याची आणि अन्विताची जोडीही चांगलीच लोकप्रिय झाली होती.

२०२३ च्या फेब्रुवारी महिन्यात शाल्वने त्यांची गर्लफ्रेंड श्रेया डफलापूरकरसोबत साखरपुडा केला. ते बराच काळ एकमेकांना डेट करत आहेत. शाल्वच्या साखरपुड्याचे फोटो सोशल मीडियावर चांगलेच व्हायरल झाले होते. त्यांच्या साखरपुड्यानंतर तो आणि श्रेया लग्न कधी करणार याची चर्चा बराच काळ सोशल मीडियावर रंगली होती. पण अखेर त्यांच्या लग्नाविषयी महत्त्वाची अपडेट समोर आलं आहे.

'राजश्री मराठी'ने दिलेल्या बातमीनुसार शाल्व आणि श्रेया डिसेंबर २०२४ मध्ये लग्न करणार आहेत. त्यांच्या लग्नाची तयारी सुरु झाली असून नुकतंच त्यांच्या लग्नाच्या तयारीचा मुहूर्त थाटात पार पडला. श्रेया आणि शाल्व दोघेही कामात बिझी असल्याने आणि त्यांच्या लग्न मुहूर्त लवकर करण्यात आला. पण ते अजून त्यांनी त्यांच्या लग्नाची तारीख निश्चित केली नाहीये. सोशल मीडियावर त्यांच्या मुहूर्ताचे फोटो आणि व्हिडीओ चर्चेत आहेत.

१२ फेब्रुवारी २०२३ या शाल्व आणि श्रेयाने साखरपुडा केला होता. त्यांच्या साखरपुड्याला इंडस्ट्रीतील सगळ्या मित्र-मैत्रिणींनी हजेरी लावत त्यांना शुभेच्छा दिल्या होत्या. सोशल मीडियावर त्यांच्या साखरपुड्याचे फोटोज आणि व्हिडीओज व्हायरल झाले होते.

शाल्वची होणारी बायको श्रेया ही स्टायलिस्ट असून ती तलम, तलम ऍक्सेसरीज आणि हाऊस ऑफ तक्षी या ब्रॅंड्सची मालक आहे. ती ब्रँड्सच्या अंतर्गत साड्या, दागिने आणि मुलांसाठीचे कपडे डिझाईन करते. आजवर अनेक सेलिब्रिटीजच्या लग्नातील आऊटफिटचं स्टायलिंग श्रेयाने केलं आहे. याशिवाय सोशल मीडियावरील तिचे स्वतःचे फोटोशूट्ससुद्धा खूप चर्चेत असतात.