Rajinikanth: डोळ्यावर गॉगल अन् हातात चार घड्याळं; Thalaivar 171 मधील सुपरस्टार रजनीकांत यांच्या जबरदस्त लूकनं वेधलं लक्ष

Rajinikanth: मास्टर (Master), विक्रम (Vikram) आणि लिओ (Leo) यांसारख्या ब्लॉकबस्टर चित्रपटांचे दिग्दर्शन करणारे लोकेश कनागराज (Lokesh Kanagraj) यांच्या थलायवर 171 (Thalaivar 171) या चित्रपटाची प्रेक्षक उत्सुकतेने वाट बघत आहेत. सुपरस्टार रजनीकांत  (Rajinikanth)  स्टारर या चित्रपटाची सध्या सोशल मीडियावर चर्चा होत आहे. थलायवर 171 या चित्रपटातील रजनीकांत यांचा जबरदस्त लूक रिलीज करण्यात आला आहे. या लूकनं अनेकांचे लक्ष वेधले आहे.

थलायवर 171 मधील रजनीकांत यांचा जबरदस्त लूक

डोळ्यावर गॉगल, हातात चार घड्याळं आणि चेहऱ्यावर अॅटिट्युड असा थलायवर 171 मधील रजनीकांत यांचा लूक रिलीज करण्यात आला आहे. थलायवर 171 या चित्रपटातील रजनीकांत यांचा लूक लोकेश कनागराज यांनी सोशल मीडियावर शेअर केला आहे.

गेल्या वर्षी रजनीकांत यांचा जेलर हा चित्रपट रिलीज झाला. या चित्रपटानं बॉक्स ऑफिसवर कोट्यवधींची कमाई केली. तसेच त्यांचा लाल सलाम हा चित्रपट देखील प्रेक्षकांच्या भेटीला आला. आता प्रेक्षक त्यांच्या थलायवर 171 या चित्रपटाची प्रेक्षक उत्सुकतेने वाट बघत आहेत.

गेल्या वर्षी केली चित्रपटाची घोषणा

लोकेश कनागराज आणि रजनीकांत यांनी गेल्या वर्षी सप्टेंबरमध्ये थलायवर 171 या चित्रपटाची घोषणा केली होती. या चित्रपटाची अजून रिलीज डेट जाहीर करण्यात आलेली नाही.

चित्रपटाचं टायटल 'या' दिवशी होणार रिलीज

थलायवर 171 हे या चित्रपटाला तात्पुरतं दिलेलं नाव आहे, लोकेश कनागराज हे थलायवर 171 या चित्रपटाच्या टायटलची घोषणा 22 एप्रिल रोजी करणार आहेत. चित्रपटाची कथा लोकेश यांनी लिहिली आहे.तसेच या चित्रपटाचं दिग्दर्शन देखील त्यांनीच केले आहे.