NEET Paper leak Case: नीट पेपरफुटीप्रकरणी महिलेला अटक; बिबवेवाडीतील मनिषा वाघमारे पोलिसांच्या ताब्यात; विद्यार्थ्यांना आरोपींपर्यंत पोहोचविल्याचा संशय!

पुणे: देशभरात गाजत असलेल्या नीट (एनईईटी) परिक्षेच्या पेपरफुटीप्रकरणाचा तपास आता पुण्यापर्यंत पोहोचला असून, पोलिसांनी बिबवेवाडी परिसरातील एका महिलेला अटक केली आहे. मनिषा वाघमारे असे या महिलेचे नाव आहे. विद्यार्थ्यांना पेपरफुटी रॅकेटमधील आरोपींपर्यंत पोहोचविण्यात तिची भूमिका असल्याचा संशय तपास यंत्रणांनी व्यक्त केला आहे.