- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : जिल्ह्यातील पाझर आणि गाव तलावांना यंदा रोजगार हमी योजनेचा भक्कम आधार मिळाला आहे. या तलावांची पाणी साठवण क्षमता वाढविण्यासाठी रोजगार हमी योजनेच्या माध्यमातून या तलावांमधील गाळ काढण्यास सुरुवात केली आहे. यामुळे बेरोजगारांना रोजगार आणि शेतीसाठी पुरेसे पाणी उपलब्ध होणार आहे.
पुणे जिल्हा परिषदेचे मुख्य कार्यकारी अधिकारी आयुष प्रसाद यांनी याबाबतचा आदेश सर्व ग्रामपंचायतींना दिला आहे. यानुसार जिल्ह्यात अनेक ग्रामपंचायतींनी ही कामे सुरू केली असल्याचे प्रसाद यांनी सांगितले.
गेल्या वर्षीपर्यंत राज्य सरकारच्या जलयुक्त शिवार अभियानांतर्गत ही कामे केली जात असत. मात्र २०१९ मध्ये झालेल्या विधानसभा निवडणुकीनंतर राज्यात सत्तांतर झाले. पर्यायाने मागील वर्षीपासून ही योजना बंद पडली आहे.
या पार्श्वभूमीवर यंदा पहिल्यांदाच रोजगार हमी योजनेतून या तलावांमधील गाळ काढण्यात येऊ लागला आहे. यामुळे बेरोजगारांना रोजगार आणि शेतीसाठी पुरेसे पाणी असा दुहेरी हेतू साध्य होणार आहे. दरम्यान, यंदा कोरोना विषाणू संसर्गामुळे ग्रामीण भागातील अनेकांना रोजगार मिळेना झाला आहे. यामुळे मजुरांना रोजगार उपलब्ध होण्यास मोठा हातभार लागणार आहे.
जिल्ह्यात एकूण ६२० पाझर तलाव आणि १०५ गाव तलाव आहेत. यापैकी पाझर तलावांमधील गाळ काढण्यासाठी रोजगार हमीतून २८ कोटी १४ लाख ४३ हजार रुपये तर, गाव तलावांमधील गाळ काढण्यासाठी ३ कोटी ३२ लाख २७ हजार असा एकूण ३१ कोटी ४६ लाख ७० हजार रुपयांचा निधी उपलब्ध करून देण्यात आला आहे.
अडीच टीएमसी पाणीसाठा
जिल्ह्यातील सर्व पाझर व गाव तलावांची मिळून एकूण अडीच टीएमसी पाणी साठवण क्षमता आहे. परंतु गेल्या वर्षी झालेल्या तुफान पावसामुळे अनेक तलावांमध्ये मोठ्या प्रमाणात गाळ साचला आहे. या गाळामुळे पाणी साठवण क्षमतेतही मोठी घट झाली आहे. गाळ काढल्यानंतर पूर्ववत अडीच टीएमसी पाणीसाठा उपलब्ध होऊ शकणार आहे.
सिंचनाला हातभार लागणार
या सर्व तलावांमधील पाण्यामुळे पुणे जिल्ह्यातील १७ हजार ६९५ हेक्टर क्षेत्र ओलिताखाली येते आहे. यापैकी पाझर तलावांमधील पाण्यामुळे १६ हजार ८५१ हेक्टर तर, गाव तलावांमधील पाण्यामुळे ८४४ हेक्टर क्षेत्र सिंचनाखाली येणार आहे.
- पुण्याच्या बातम्या वाचण्यासाठी येथे क्लिक करा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.