इंदापुरात भैरवनाथांची यात्रा उत्साहात

इंदापूर, ता. १९ : इंदापूर शहरातील जागृत देवस्थान असलेल्या भैरवनाथाची यात्रा गुरुवारी (ता. १७) पार पडली. यावेळी गुलालाची उधळण करण्यात आली. तर ‘भैरवनाथाच्या नावानं चांगभलं’च्या जयघोषाने शहर दुमदुमले होते. यात्रेसाठी इंदापूर शहर आणि तालुक्यासह अकलूज, पंढरपूर, बारामती, पुणे, टेंभुर्णी, सोलापूर या पंचक्रोशीतील भक्तांनी कुलदैवत भैरवनाथाचे दर्शन घेतले.
सायंकाळी ६ वाजता भैरवनाथांची आरती होऊन नाथांच्या घोड्याचा छबिना ग्राम प्रदक्षिणेसाठी सवाद्य मिरवणुकीस सुरुवात झाली. यावेळी गुलालाची उधळण करीत जल्लोष केला. यात्रेचे नियोजन भैरवनाथ देवस्थान कमिटीच्या वतीने नियोजन करण्यात आले होते.