...म्हणून केजरीवाल पंजाबमध्ये निवडून आले; हरियाणा मंत्र्यांचा निशाणा

पंजाब: पाच राज्याच्या विधानसभा निवडणुकीच्या निकालात चार राज्यात भाजपने आपला झेंडा रोवला आहे. मात्र पंजाबमध्ये अरविंद केजरीवालांच्या (Arvind Kejariwal) आम आदमी पक्षाने (AAP) आतापर्यंत जवळपास ९१ जागांवर आघाडी मिळवली आहे. पंजाबमध्ये काँग्रेसला मात्र (Congress) मोठा धक्का बसला आहे. केजरीवाल यांच्या विजयाने मात्र चर्चेला उधान आलं आहे. हरियाणाचे (Haryana) आरोग्य मंत्री अनिल विज (Health Minister Anil Vij) यांनी आपच्या विजयावर निशाणा साधला आहे. पंजाबमध्ये 'आप'ने दारू विकली आहे असा आरोप विज यांनी केला आहे.

अनिल विज यांनी केजरीवाल यांच्यावर निशाणा साधताना म्हणाले, चार राज्यांमध्ये भाजपच्या बाजूने निकाल लागला आहे. फक्त पंजाबमध्ये 'आप'चा कल दिसत आहे. याचे मुख्य कारण म्हणजे पंजाबमध्ये 'आप'ने दारू विकली आहे. त्यांचा हा व्यवसाय खूप मोठा आहे. म्हणूनच पंजाबचे नागरीक कौतुक करत आहेत अशी टीका अनिल विज यांनी केली आहे.

पंजाबमध्ये काँग्रेसला धक्का देत आपने मोठी मुसंडी मारली आहे. आपचे मुख्यमंत्री पदाचे उमेदवार भगवंत मान यांनी विजयाच्या दिशेने आगेकूच केली आहे. त्यांच्या विरोधात असलेल्या काँग्रेस उमेदवारापेक्षा मान यांना जवळपास ३० हजार अधिक मतांची आघाडी आहे. अशा परिस्थिती पंजाबमध्ये आपचे सरकार येणार हे निश्चित झालं आहे.