Multibagger Stock Update: 1 लाखाचे झाले 44 लाख, 'या' टेक्सटाईल शेअरची मागच्या 10 वर्षात छप्परफाड कामगिरी

Multibagger Stock Update: ट्रायडंट लिमिटेड (Trident Ltd) या टेक्सटाइल सेक्टरमधील कंपनीने गेल्या 10 वर्षांत आपल्या गुंतवणूकदारांना छप्परफाड असा 4,300 टक्क्यांहून अधिक परतावा दिला आहे.

त्याच्या शेअर्सची किंमत या काळात 0.76 रुपयांवरून 33.70 रुपयांपर्यंत वाढली आहे. तुम्ही शेअर बाजारातील मल्टीबॅगर स्टॉक शोधत असाल तर तुम्ही या स्टॉकवर लक्ष ठेवू शकता.

10 वर्षांपूर्वीचा (5 जुलै 2013 रोजी) विचार केल्यास हा शेअर एनएसईवर फक्त 0.76 रुपयांवर ट्रेड होत होता. अशाप्रकारे, गेल्या 10 वर्षांत या शेअरची किंमत सुमारे 4,334% वाढली आहे. याचा अर्थ असा की जर एखाद्या गुंतवणूकदाराने 10 वर्षांपूर्वी या स्टॉकमध्ये 1 लाख रुपये गुंतवले असतील आणि ती गुंतवणूक कायम ठेवली असती तर आज त्याच्या 1 लाख रुपयांची किंमत 44.34 लाख रुपये झाली असती.

ट्रायडेंट लिमिटेडच्या शेअर्समध्ये गेल्या एका महिन्यात 0.90% ची किरकोळ वाढ दिसली आहे. गेल्या वर्षभरात त्यात 13 टक्के घट झाली आहे. मात्र, गेल्या 5 वर्षांत या शेअरने आपल्या गुंतवणूकदारांना केवळ 489.16 टक्के परतावा दिला आहे.

ट्रायडेंट लिमिटेडचे मार्केट कॅपिटलायझेशन सुमारे 17,000 कोटी रुपये आहे. ही कंपनी कापड, कागद, धागा आणि रसायने तयार करते. कंपनीच्या उत्पादनांमध्ये टॉवेल, गव्हाच्या पेंढ्यापासून बनवलेले प्रिंटिंग पेपर, विणकाम आणि होजरी धागे आणि सल्फ्यूरिक ऍसिड यांचा समावेश आहे. कंपनीला त्याचे बहुतांश उत्पन्न एक्सपोर्टमधून मिळते.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.