Accident News : शिरवळ मार्गावर भीषण अपघात; मालट्रक-टेम्पोच्या धडकेत तिघे जागीच ठार

Accident News : शिरवळ येथे बुधवारी रात्री मालट्रक आणि आयशर टेम्पोचा भीषण अपघात (Truck Tempo Accident) झाला. टायर पंचर झाले म्हणून उभ्या असणाऱ्या ट्रकला पाठीमागून येऊन आयशर टॅम्पोने जोराची धडक दिली.

साताऱ्याहून पुण्याला जात असलेला मालट्रक शिरवळमधील हायवेवर उभा होता. दरम्यान, आपल्या गाडीचे चाक बसवून झाल्यानंतर क्षणार्धात आयशर टेम्पोने भरधाव वेगात येऊन ट्रकला जोराची धडक दिली.

या अपघातात आयशरमध्ये बसलेले तिघेजण जागीच ठार झाले असून धडकेत गाडीचा चक्काचूर झाला आहे. यावेळी सुमारे तासभर पुण्याकडं जाणारी वाहतूक खोळंबली होती. दरम्यान, पोलीस महासंचालक फुलारी व पोलीस अधीक्षक शेख यांनी घटनास्थळी भेट दिली आणि पाहणी केली.