Tata Motors car price hike: कमी किंमतीत गाडी खरेदी करायची असल्यास तुमच्याकडे शेवटची संधी आहे. वर्ष २०२३ मध्ये गाडी खरेदी केल्यास तुमच्या खिशावर अतिरिक्त भार पडू शकतो. देशातील दोन प्रमुख ऑटो कंपन्या टाटा मोटर्स आणि मारुती सुझुकी पुढील महिन्यापासून वाहनांच्या किंमतीत वाढ करणार आहे. त्यामुळे तुम्हाला जानेवारी २०२३ पासून गाड्यांसाठी जास्त पैसे खर्च करावे लागतील.
टाटा मोटर्सने याबाबत माहिती देताना सांगितले की, कंपनी जानेवारी महिन्यापासून वाहनांच्या किंमतीत दोन टक्क्यांनी वाढ करत आहे. कंपनीनुसार, ही वाढ वाहनांच्या मॉडेलनुसार वेगवेगळी असेल. मात्र, यामध्ये सर्व गाड्यांचा समावेश असेल.
हेही वाचा : इच्छापत्र करायचंय...मग या गोष्टी नक्कीच माहिती हव्यात....
टाटा मोटर्सने माहिती दिलीये की, कंपनी उत्पादनासाठीच्या खर्चाचा भार स्वतः सहन करत आहे. परंतु, एकूण उत्पादनात मोठी वाढ झाल्याने आता वाहनांच्या किंमतीत वृद्धी करावी लागत आहे. टाटा मोटर्स ही देशातील सर्वात प्रमुख ऑटो कंपन्यांपैकी एक आहे. तसेच, पेसेंजर वाहनांच्या किंमतीत देखील वाढ केली जाणार असल्याचे कंपनीने म्हटले आहे. जेणेकरून, एप्रिल २०२३ मध्ये लागू होणाऱ्या उत्सर्जन नियमांनुसार वाहनांची निर्मिती केली जाईल.
मारुती सुझुकी देखील वाढवणार किंमत
देशातील आणखी एक प्रमुख ऑटो कंपनी मारुती सुझुकी इंडियाने देखील वाहनांच्या किंमतीत वाढ करण्याचा निर्णय घेतला आहे. कंपनी पुढील महिन्यापासून वाहनांच्या किंमतीत वाढ करणार आहे. कंपनीने शेअर बाजाराला दिलेल्या माहितीनुसार, वाढलेली महागाई व इतर नियमांमुळे किंमत वाढवणे गरजेचे आहे.
तसेच, उत्पादनाचा वाढलेला खर्च कमी करण्याचा देखील प्रयत्न केला आहे. परंतु, किंमत वाढवणे आता गरजेचे झाले आहे. दरम्यान, जानेवारी २०२३ पासून कंपन्या वाहनांच्या किंमतीत मोठी वाढ करणार असल्याने स्वस्तात गाडी खरेदी करण्याची ही अखेरची संधी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
