नाशिक/ बोरगाव : हतगड (ता. सुरगाणा) येथील धरणाच्या बाजूस असलेल्या विहिरीत पाय घसरून पडल्याने मायलेकीचा मृत्यू झाला. कांता पिठे (वय 45) व जया पिठे (10) असे मृत विवाहिता आणि तिच्या मुलीचे नाव आहे.
असा घडला दुर्दैवी प्रकार
हतगड येथील धरणाच्या बाजूस असलेल्या विहिरीवर कपडे धुण्यासाठी कांता पिठे आपली मुलगी जया हिच्यासमवेत गेल्या होत्या. या वेळी विहिरीच्या कठड्यावर बसून कपडे धुत असताना जया हिचा पाय घसरून ती विहिरीत पडली. मुलगी विहिरीत पडल्याचे दिसताच तिला वाचविण्यासाठी आई कांता यांनीही विहिरीत उडी मारली. मात्र दोघींनाही पोहता येत नसल्याने त्यांचा बुडून मृत्यू झाला. जया हातगड येथील आश्रमशाळेत चौथीत शिकत होती. याप्रकरणी बोरगाव आउटपोस्ट पोलिस ठाण्यात नोंद झाली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.