पन्नास रुपयांचा पॅक मारला.. अन्‌ महागातच पडला..

नाशिक : पन्नास रुपयांचा पॅक मारला अन्‌ दहा हजारांचा दंड भरल्याने तळीरामांना "चार आण्याची कोंबडी अन्‌ बाराण्याचा मसाला' म्हणण्याची वेळ आली.

झाले असे की...

भद्रकाली पोलिसांनी जीपीओ रोडवरील लोकशाहीर अण्णा भाऊ साठे चौकात नाकाबंदी करून वाहनांची तपासणी केली. मद्यसेवन करून वाहन चालविणाऱ्या दहा जणांवर कारवाई केली. त्यांची वाहने पोलिस ठाण्यात जमा केली. नवीन कायद्यानुसार मद्यसेवन करून वाहन चालविणाऱ्यांना दहा हजारांचा दंड करण्यात आला. बुधवारी (ता.1) न्यायालयात दंड भरून वाहने सोडविली. दंड भरल्याची पावती पाहण्यात आली. भद्रकाली पोलिसांनी घोळका करून अशांतता फसविणाऱ्या दहा जणांवर कारवाई केली. कोटपा धूम्रपान एक, हत्यार बाळगणारे दोन, संशयितरीत्या फिरणाऱ्या एकावर कारवाई केली. घरफोडीतील चार संशयितांची तपासणी केली. तडीपार असलेले पाच जण मिळून आले. 

"थर्टीफर्स्ट'ला 333 तळीरामांना दणका 
 सरत्या वर्षाला निरोप आणि नववर्षाच्या स्वागतासाठी घराबाहेर पडलेल्या आणि मद्याच्या नशेत झिंगाट झालेल्या 333 तळीरामांवर पोलिसांनी कारवाई केली. मंगळवारी (ता. 31) रात्रीपासून बुधवारी (ता. 1) पहाटेपर्यंत सुरू असलेल्या नाकाबंदीत पोलिसांनी ड्रंक ऍन्ड ड्राइव्ह, विनापरवाना मद्यपानासह विविध कलमांन्वये कारवाई केली. नववर्षाच्या पूर्वसंध्येला अनुचित प्रकार शहर-परिसरात घडू नये, यासाठी आयुक्तालय हद्दीत मुंबई नाका, जेहान सर्कल, अंबड टी-पॉइंट, कॅनडा कॉर्नर, मायको सर्कल, गंगापूर यांसह सुमारे 45 ठिकाणी नाकाबंदी करून सुमारे दोन हजार पोलिस अधिकारी-कर्मचाऱ्यांचा फौजफाटा रात्रभर रस्त्यावर होता.

हेही वाचा > छतावरुन आत्महत्या करण्यासाठी पाऊल पुढे टाकणार....तेवढ्यातच.. 

हेही वाचा > अखंड हरिनाम सप्ताह सुरू होता...जोरदार आवाज झाला.. ग्रामस्थांनी पाहिल्यावर धक्काच....

29 हजार 800 रुपयांचा दंड वसूल

वाहतूक शाखेसह पोलिस ठाण्यानिहाय नाकाबंदी करून एक हजार 536 वाहनांची तपासणी करण्यात आली. 141 वाहनांवर दंडात्मक कारवाई करून 29 हजार 800 रुपयांचा दंड वसूल केला. 187 तळीरामांविरोधात ड्रंक ऍन्ड ड्राइव्हच्या केसेस करण्यात आल्या. रेकॉर्डवरील गुन्हेगारांचीही तपासणी करण्यात आली. शहरातील 61 लॉजिंगची तपासणी करण्यात आली. शांततेचा भंग केल्याप्रकरणी 120 गुन्हे दाखल करण्यात आले. नाकाबंदीवेळी पोलिसांकडून दुचाकी व कारचालकांची ब्रेथ ऍनालायझरने तपासणी केली. 
पोलिस आयुक्त विश्‍वास नांगरे-पाटील यांच्या मार्गदर्शनाखाली थर्टीफर्स्टच्या बंदोबस्तासाठी शहरातील 150 पोलिस अधिकारी आणि एक हजार 500 कर्मचारी तैनात होते. मदतीला गृहरक्षक जवानांसह स्ट्रायकिंग फोर्स, राज्य राखीव दलाची तुकडीही तैनात होती. 

हेही वाचा > पं.स.निवडणुकीत शिवसेनेने राष्ट्रवादीला 'इथे' दाखविला ठेंगा!