अखंड हरिनाम सप्ताह सुरू होता...जोरदार आवाज झाला.. ग्रामस्थांनी पाहिल्यावर धक्काच....

kirtan.jpg
kirtan.jpg

नाशिक : जाखोरी शिवारात दारणा नदीच्या पुलावरून भरधाव वाहनाने मंगळवारी (ता. 31) रात्री जोरदार धडक दिल्याने दोन जण गंभीर जखमी झाले असून, त्यांच्यावर नाशिक रोडच्या खासगी रुग्णालयात उपचार सुरू आहेत. 

अशी घडली घटना...

जाखोरीत अखंड हरिनाम सप्ताह सुरू असून, मंगळवारी रात्री ग्रामस्थ रमले होते. त्याचवेळी अपघाताच्या आवाजाने जाखोरीच्या दारणा नदीच्या पुलाकडे ग्रामस्थांनी धाव घेतली. त्यावेळी गावातील बाळासाहेब दत्तात्रेय खाडे व सोमनाथ नारायण खाडे हे दोघे युवक गंभीर जखमी अवस्थेत आढळून आले. विश्‍वास कळमकर, राहुल धात्रक आदींनी तत्काळ त्यांना रुग्णालयात हलविले. हे दोघे युवक चालत येत असताना शिंदे गावाच्या दिशेने सुसाट आलेल्या मारुती ओम्नी कारने त्यांना उडविले. वाहनचालक मद्यधुंद अवस्थेत वाहन चालवित असल्याने त्याला वाहनावर ताबा मिळविता येत नसल्याचे प्रत्यक्षदर्शींनी सांगितले. याप्रकरणी नाशिक रोड पोलिस ठाण्यात मद्यधुंद अज्ञात वाहनचालकाविरुद्ध गुन्हा दाखल झाला आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com