Nashik Naresh Karda: नरेश कारडांच्या कोठडीत रविवारपर्यंत वाढ

Nashik Naresh Karda : बांधकाम व्यावसायिक नरेश कारडा यांच्या कोठडीत रविवार (ता.५) पर्यंत वाढ करण्यात आली आहे. त्यांच्या विरोधातील तक्रारदारांची संख्या ७० पर्यंत पोहोचली आहे. (Naresh Karda custody extended till Sunday nashik fraud crime news)

कारडा कन्स्ट्रक्शनचे नरेश कारडा यांना आर्थिक फसवणूक केल्याप्रकरणी अटक करण्यात आली आहे. तीन दिवसीय पोलिस कोठडीची मुदत संपल्याने पोलिसांनी कारडा यांना शुक्रवारी (ता.३) न्यायालयात हजर केले.

न्यायालयाने गुन्ह्याची व्याप्ती मोठी असल्याने जामिनासाठी केलेला अर्ज फेटाळत कारडांच्या पोलिस कोठडीत रविवार (ता.५) पर्यंत वाढ केली.