नाशिक : मुलींच्या शिक्षणासाठी ग्रामपालिकेने ऐतिहासिक निर्णय घेत गावातील शिक्षण घेणाऱ्या मुलींच्या प्रवासाचा खर्च स्वतः उचलण्याचे उपसरपंच रावसाहेब भालेराव यांनी जाहीर केली. शिरवाडे फाट्याजवळ मविप्रच्या महाविद्यालयात शिकणाऱ्या सुमारे 210 मुलींच्या प्रवासाचा सुमारे तीन लाख 15 हजार रुपयांचा धनादेश महाविद्यालयात सरपंच शांताबाई बेंडके यांनी मविप्रचे संचालक माजी आमदार उत्तमबाबा भालेराव व प्राचार्य अमोल भगत यांच्याकडे विशेष समारंभात सुपूर्द केला. ही योजना कायम सुरू राहणार असल्याचेही भालेराव यांनी सांगितले.
वडनेरभैरवचा राज्यासमोर आदर्श....
समाजाच्या हिताचे निर्णय घेणारे गाव म्हणून वडनेरभैरवची ओळख आहे. यात ग्रामपालिकेने भर टाकत गावातल्या मुलींच्या शिक्षणाला हातभार लावत त्यांचा प्रवासाचा संपूर्ण खर्च उचलण्याचे काम समजापुढे ठेवल्याचे गौरवोद्‌गार माजी आमदार उत्तमबाबा भालेराव यांनी काढले. यावेळी व्यासपीठावर स्व. अशोकराव शिंदे पतसंस्थेचे संस्थापक हिरामण शिंदे, अध्यक्ष सुनील पाचोरकर, माजी पंचायत समिती सभापती दिलीप धारराव, दीपक पाचोरकर, अनिल शिंदे, सरपंच शांताबाई बेंडके, सदस्य बाळासाहेब वाघ, अविनाश खिराडकर, नानासाहेब वाघ, अमोल गचाले, शंकर राऊत, मंजाबाई निमकर, मनीषा पगार, नूरजहॉं पठाण, सुमनताई पवार, मीना हिंगे, शोभा मोरे, ग्रामविकास अधिकारी रोशन सूर्यवंशी उपस्थित होते. प्रा. ज्ञानेश्‍वर भगुरे यांनी सूत्रसंचालन केले.
तीन लाख 15 हजारांचा धनादेश मविप्र महाविद्यालयाला सुपूर्द
गावाची लोकसंख्या व क्षेत्रफळ मोठे असून, गाव व महाविद्यालयातील अंतर जास्त असल्याने मुलींना पायी व सायकलने, बसने जावे लागते. त्यात त्यांचा वेळ जातो. मुलींना प्रोत्साहन म्हणून त्यांच्या प्रवासाचा संपूर्ण खर्च ग्रामपालिकेने उचलला आहे. - रावसाहेब भालेराव, उपसरपंच
मैत्रीत दगा...मित्राचाच मृतदेह टाकला शौचालयाच्या टाकीत...पण का?
वडनेरभैरव ग्रामपालिकेने घेतलेला निर्णय संपूर्ण महाराष्ट्र राज्यासाठी प्रेरणादायी आहे. मुलींच्या शिक्षणासाठी नावीन्यपूर्ण मदत यांनी केली आहे. मुलींनी या मदतीचा त्यांचा हेतू साध्य करावा. - उत्तमबाबा भालेराव, माजी आमदार, संचालक मविप्र
आम्हा मुलींच्या शिक्षणासाठी गावाने विश्‍वास दाखवून शिक्षण घेण्यासाठी प्रोत्साहित केले असून, त्यांनी आमच्याकडून केलेल्या अपेक्षांचा भंग होणार नाही. - अनुष्का पाचोरकर, विद्यार्थिनी
PHOTOS : माणुसकी निभावून दाखवूयाच!..'या' तरुणांचं ठरलं तर...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.