Congress Foundation Day: "काँग्रेस पक्ष विदर्भातून नवीन सुरुवात करतोय"; बदल घडण्याचा यशोमती ठाकूरांना विश्वास

नागपूर : काँग्रेस पक्ष विदर्भातून नवीन सुरुवात करत आहे, असं काँग्रेसच्या वरिष्ठ नेत्या यशोमती ठाकूर यांनी म्हटलं आहे. नागपूर इथं काँग्रेसच्या वर्धापनदिनानिमित्त आयोजित महारॅलीत त्या बोलत होत्या. यावेळी खासदार राहुल गांधींसह देशभरातील दिग्गज काँग्रेस नेत्यांनी हजेरी लावली. (Congress Foundation Day Congress Party makes fresh start from Vidarbha says Yashomati Thakur)

विदर्भाची भूमी ही डॉ. बाबासाहेब आंबेडकर, ताजुद्दीन बाबा, गाडगे बाबा, यांची भूमी आहे. जेव्हा जेव्हा विदर्भातून आवाज दिला त्यावेळी मानवतेचा संदेश देण्याचं काम झालं आहे. सन 1920मध्ये महात्मा गांधी यांनी असा आवाज दिला होता. आज राहुल गांधी आणि मालिकार्जुन खर्गे यांनी आवाज दिला आहे. या आवाजाला सर्वांनी साथ द्यायची आहे, असं आवाहन यावेळी यशोमती ठाकूर यांनी केलं आहे. (Latest Marathi News)

दरम्यान, आज भगतसिंग यांची भूमिका घ्यायची आहे. सुनील केदार यांच्यावर तुरुंगात जाण्याची वेळ आली आहे. त्यांना भाजपसोबत येण्यासाठी जबरदस्ती करण्यात आली होती, पण ते ठाम आहेत. इंग्रजांनी केलं ते आज सत्तेतील लोक करत आहेत. विचारधारा एकरूप ठेवत मानवतेचा संदेश देण्यासाठी संविधान मानणारं राज्य आपल्याला आणायचं आहे. पूर्ण ताकद लावणार का? या देशाला एकत्र ठेवणार का? असा जयघोष केला. (Marathi Tajya Batmya)

देश वाचवण्याचा संविधान वाचवण्यासाठी एकोप्यासाठी लढायचं आहे, असं आवाहनही त्यांनी केलं आहे. यापूर्वी आपण विदेशी लोकांशी लढलो आज चोरांशी लढायचं आहे. एका बाजूला समाजाला तोडण्याचं काम सुरु आहे तर दुसरीकडं आमचे नेते भारत जोडण्याचं काम करत आहेत, असंही यावेळी यशोमती ठाकुरांनी म्हटलं आहे.