कुणी चोरली ग्रामीण रुग्णालयातील कोरोनाची लस?

Akola Corona News Vaccine theft case at Chatari Rural Hospital in Patur taluka is under investigation
Akola Corona News Vaccine theft case at Chatari Rural Hospital in Patur taluka is under investigation

चतारी (जि.अकोला) :  ग्रामीण रुग्णालयातील लस चोरी प्रकरणाची चौकशी सुरू करण्यात आली आहे. जिल्हाधिकाऱ्यांनी दिलेल्या आदेशानुसार चतरी येथील ग्रामीण रुग्णालयात जाऊन चौकशी करण्यात आली.

हेही वाचा - Lockdown Breaking: रविवारी राहणार संपूर्ण लॉकडाउन…!

अकोला आरोग्य विभागाकडून ग्रामीण रुग्णालय चतारी येथे ता. ५ फेब्रुवारीपासून आरोग्य विभागातील कर्मचाऱ्यांना लस दिली जात आहे. त्यासाठीई पहिल्या टप्प्यामध्ये ५० तर दुसऱ्या टप्प्यामध्ये ५० अशाप्रकारे १०० लसी रुग्णालयांमध्ये आणण्यात आल्या होत्या.

दुसऱ्या टप्प्यामध्ये आलेल्या पन्नास लसींपैकी सात लसी चतारी ग्रामीण रुग्णालयातून गहाळ झाल्याची तक्रार चान्नी पोलिस स्टेशनला देण्यात आली होती. ता. १६ फेब्रुवारी रोजी तक्रार दिल्यानंतर ता.१७ फेब्रुवारी रोजी जिल्हाधिकारी यांनी समिती नियुक्त करून चौकशी सुरू केली. समितीतील दोन कर्मचाऱ्यांनी रुग्णालयामध्ये येऊन चौकशी केली. या चौकशीत एका रूममध्ये असलेल्या फ्रिजमधील सात कोरोना व्हॅक्सिन गहाळ झाल्याचे आढळून आले.

हेही वाचाधक्कादायक; शासकीय वैद्यकीय महाविद्यालयातील आणखी २७ विद्यार्थी पॉझिटिव्ह


घरचाच अहेर असल्याची चर्चा
रुग्णालयातील सात लस एका कर्मचाऱ्यांने बाहेर नेऊन त्याचा वापर केला असल्याची चर्चाही रुग्णालयातील अधिकारी, कर्मचाऱ्यांमध्ये सुरू आहे.
 

लस चोरी प्रकरणी चौकशी सुरू असून, या चौकशीमध्ये एका व्यक्तीचे नाव समोर आले आहे. त्या व्यक्तीची कसून चौकशी पोलिस करीत असून, तो दोषी आढळल्यास त्याच्यावर कठोर कारवाई करण्यात येईल.
-डॉ. राजकुमार चव्हाण, उपसंचालक आरोग्य सेवा, अकोला मंडळ अकोला

अकोला, बुलढाणा, वाशिम जिल्ह्यातील ताज्या बातम्या - क्लिक करा

संपादन - विवेक मेतकर

अधिक वाचा - 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com