अकोला : जीएसटी कायद्यामधील त्रुटी दूर करण्याच्या मागणीसाठी ‘कॅट’व्दारे बंदचे आवाहन करण्यात आले होते. या बंदमध्ये व्यापाऱ्यांनी सहभाग घेतला असला तरी व्यापारी संघटनांचाच एक भाग असलेल्या उद्योग संघटनांनी सहभाग नोंदविला नाही.
त्यामुळे बंद दरम्यान व्यापार बंद आणि उद्योग सुरू असे चित्र अकोला जिल्ह्यात दिसून आले. असे असतानाही विदर्भ चेंबर ऑफ कॉमर्सच्या पदाधिकाऱ्यांनी बंदाला शहर उत्तम प्रतिदास लाभल्याचा दावा केला आहे.
जीएसटी कायद्यातील तरतुदींच्या निषेधार्थ देशव्यापी व्यापार बंदचे आवाहन करण्यात आले होते. अकोला शहरातील सर्व असोसिएशनच्या व्यापाऱ्यांनी यात सहभाग घेतला. प्रतिष्ठाने बंद ठेवून या बंदला पाठिंबा दिला. मात्र, त्याचवेळी विदर्भ चेंबरचा भाग असलेल्या अकोला इंडिस्ट्रिज असोशिएशनच्या पदाधिकाऱ्यांचे एमआयडीतील उद्योग व व्यवसाय बंददरम्यानही सुरू होते.
त्यामुळे संघटनेने केलेल्या आवाहनावरून बंद सहभागी झालेल्या व्यावसायिकांच्या काही संघटनांमध्ये नाराजीचा सूर होता. चेंबरकडून व्यापाऱ्यांना बंदचे आवाहन करण्यात आले असताना त्यात पदाधिकाऱ्यांचे एमआयडीसीतील उद्योग व व्यवसाय बंददरम्यान कसे सुरू होते, असा प्रश्नही एका संघटनेच्या अध्यक्षांनी ‘सकाळ’शी बोलताना व्यक्त केला.
|
अकोला, बुलढाणा, वाशिम जिल्ह्यातील ताज्या बातम्या - क्लिक करा संपादन - विवेक मेतकर
|
|||
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.