A 70 year old grandfather from Padalne is taking care of his grandchildren by doing mercenary work.jpg 
अहिल्यानगर

एकुलता एक लेक अन्‌ सुनेचा मृत्यू ; नातवांना शिकवण्यासाठी आजोबांचा संघर्ष

शांताराम काळे

अकोले (अहमदनगर) : पाडाळणेतील ७० वर्षाचे आजोबा मोलमजुरी करून नातवांचा सांभाळ करत आहेत. या नातवांना शिकून मोठ व्हायचं आहे. कोतूळच्या पश्चिमेला आठ किलोमीटरवर पाडाळणे गाव आहे. या गावातील 'कॉलनी' नावाची आदिवासी समाजाची वस्ती आहे. येथील सुखदेव तुळशीराम धराडे हे सत्तरीतील आजोबा मोलमजुरी करतात. घरात वृद्ध पत्नी आणि दोन अनाथ नातवंडे आहेत. एका कौलारू घरात ते राहतात. थकलेल्या आजोबांना घर चालवता यंदा दिवाळी करता आली नाही. ना नातवंडांना कपडे, ना गोडधोड ना दिवाळीचा दिवा.

सुखदेव धराडे यांची सून एक वर्षांपूर्वी तर मुलाचा सहा महिन्यापूर्वी दुर्धर आजाराने मृत्यू झाला. घरी फक्त १० गुंठे कोरडवाहू जमीन आहे. सून आणि मुलाच्या आजारात रोजंदारीचे पैसे आणि घरातील चीजवस्तू विकल्या. मात्र, सून आणि मुलगा वाचला नाही. त्यांची दोन मुलं विशाल (चौथी) व ऐश्वर्या (दुसरी) आहे. त्यांना सांभाळताना सुखदेव धराडे हतबल झाले आहेत. विशाल आणि ऐश्वर्या यांना शिक्षण घेवून मोठ व्हायचं आहे. आता पोट आणि शिक्षण हे दोन प्रश्न या कुटुंबा समोर आहेत. आता त्यांना कुणी शिक्षण देत का शिक्षण, अशी म्हणण्याची वेळ आली आहे.

ही बातमी समजताच काँग्रेसचे सामाजिक कार्यकर्ते रवी डोंगरे यांनी महसुलमंञी बाळासाहेब थोरात यांच्या मार्गदर्शनाखाली या कुटुंबाला मदतीचा हात म्हणून सहा महिने पुरेल एवढा किराणा देण्यात आला. रवी डोंगरे यांनी या मुलांच्या शिक्षणासाठी देखील मदत करु, असे आश्वासनही या वेळी दिले. रवी डोंगरे हे नेहमी सामाजिक कामामध्ये अग्रेसर असतात. यापूर्वी ही रवी डोंगरे यांनी अनेक गरजुंना मदत केली असेल, विद्यार्थ्यांना शालेय साहित्याचे वाटप असेल, असे अनेक उपक्रम रवि डोंगरे मिञ मंडळाच्या वतीने वर्षभर राबविले जातात. या कामात सुनिल डोंगरे, पप्पु औटी, बजरंग शिरोळे, दादासाहेब रोडे, शरदराव मते, संतोष लोढा, सुमित लांडगे, महेश जेधे, अमोल हांडे, जमिर शेख यांची मदत होते.

संपादन : सुस्मिता वडतिले

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT