अहमदनगर : सामाजिक कार्यकर्त्या सुमन काळे यांच्या संशयास्पद मृत्यूप्रकरणी खुनाच्या गुन्ह्याचे वाढीव कलम लावून दोषारोपपत्र दाखल करावे, असा आदेश मुंबई उच्च न्यायालयाच्या औरंगाबाद खंडपीठाने दिला.

अहमदनगरच्या बातम्यांसाठी येथे क्लिक करा 
 
सुमन काळे या 14 मे 2007 रोजी बेशुद्धावस्थेत आढळून आल्या होत्या. पोलिसांनी त्यांना खासगी रुग्णालयात दाखल केले. याप्रकरणी तत्कालीन पोलिस अधिकारी-कर्मचाऱ्यांविरुद्ध आत्महत्येस प्रवृत्त केल्याचा गुन्हा दाखल झाला. सुमन काळे यांचा मुलगा साहेबा गजानन काळे व भाऊ गिरीश चव्हाण यांनी न्यायालयात याचिका दाखल करून खुनाचे कलम लावण्याची मागणी केली.

सौरऊर्जा प्रकल्पाचे काम लवकर सुरू करा

त्यावर न्यायालयाने आदेश देत खुनाच्या गुन्ह्याचे वाढीव कलम लावून दोषारोपपत्र सादर करावे. शासनाने काळे यांच्या वारसांना पाच लाख रुपये नुकसान भरपाई द्यावी. जिल्हा सत्र न्यायालयाने सहा महिन्यांत खटला निकाली काढावा, असा आदेश दिला. याचिकाकर्त्यांतर्फे ऍड. राजेंद्र देशमुख यांनी बाजू मांडली.