संगमनेर (अहमदनगर) : कोरोना काळात लग्न झाल्याने लग्नाचे वाचलेले दोन लाख रुपये व्यवसायासाठी आणण्याची मागणी करीत, नवविवाहितेचा सासरच्या मंडळींनी शारिरीक व मानसिक छळ केला. या प्रकरणी पिडीतेने दिलेल्या फिर्यादीवरुन पतीसह सासरच्या मंडळींवर संगमनेर शहर पोलिस ठाण्यात गुन्हा दाखल झाला आहे.
याबाबत साक्षी ज्ञानेश्वर बनसोड, ( वय 19 ) रा. इंदिरानगर, संगमनेर हिने दिलेल्या फिर्यादीत म्हटले आहे, तिचे वडील कुटूंबापासून 12 वर्षांपासून विभक्त राहतात. मध्यंतरी आई स्वाती अनिल मुंडलिक रा. इंदिरानगर हिने 14 जून 2020 रोजी तिचे लग्न श्रीरामपूर येथील नरहरी महाराज मंदिरात वैजापूर येथील ज्ञानेश्वर श्रीराम बनसोड यांच्यासोबत झाले.
सासरी नांदताना, लग्न चांगले करु न दिल्याने वाचलेले दोन लाख रुपये व्यवसायासाठी आणण्याचा तगादा साक्षीकडे लावला. या मागणीसाठी तिला उपाशी पोटी ठेवून मारहाण करीत शारिरीक व मानसिक छळ केला. तिला हुंड्यासाठी घराबाहेर काढून दिल्याने, ती एक महिन्यापासून पुन्हा माहेरी आली आहे. तसेच नवरा ज्ञानेश्वर याने दोन लाख रुपये न दिल्यास आत्महत्या करण्याची धमकी दिली असल्याचे फिर्यादीत म्हटले आहे.
साक्षी बनसोड यांच्या फिर्यादीनुसार संगमनेर शहर पोलिस ठाण्यात पती ज्ञानेश्वर बनसोड, सासू सुरेखा बनसोड, सासरा श्रीराम बनसोड व दीर रोहीत बनसोड ( सर्व राहणार वैजापूर ) यांच्याविरोधात शारीरिक व मानसिक छळ केल्याचा गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.