नेवासे (अहमदनगर) : आंतरजातीय विवाह केल्याच्या रागातून तरुणावर जीवघेणा हल्ला केल्याप्रकरणी नेवासे पोलिसांनी मुलीचे वडील, चुलते व भावासह 10 जणांविरुद्ध गुन्हे दाखल केले. त्यातील सात संशयित आरोपींना पोलिसांनी मोठ्या शिताफीने ताब्यात घेतले असून, त्यांच्याकडून चारचाकी दोन वाहने, एक पिस्तूल, एअर गनसह तीन तीक्ष्ण हत्यारे जप्त केली. 

बांधकाम व्यावसायिकाचे बेपत्ता कुटुंब पुण्यात सापडले

याबाबत नेवासे येथील तरुणाने नेवासे पोलिसांत फिर्याद दिली. त्यानुसार, शनिवारी दुपारी बाराच्या सुमारास आपण घरी असताना, घरासमोरून काही मोटारी वारंवार चकरा मारत असल्याचे आई व भावाच्या लक्षात आले. आपण दरवाजासमोर उभे असताना मोटारीतून 8 ते 10 जण तेथे आले. एकाने आपल्यावर पिस्तूल रोखले. इतरांनी जिवे मारण्याचा प्रयत्न केला. मात्र, आपण हल्ला चुकवत घरात पळालो. 

ताज्या बातम्यांसाठी डाऊनलोड करा ई-सकाळचे ऍप 

दरम्यान, याबाबत माहिती मिळताच पोलिस निरीक्षक विजय करे यांच्यासह पोलिसांनी पाठलाग करून सात संशयितांना दोन वाहनांसह ताब्यात घेतले. झडतीत त्यांच्याकडे एक पिस्तूल, एअर गन व इतर तीक्ष्ण हत्यारे सापडली. दरम्यान, फिर्यादी तरुणाचा सोमवारी (ता. एक) आरोपींच्या घरातील मुलीशी आंतरजातीय प्रेमविवाह झाला. या लग्नास मुलीच्या घरच्यांचा विरोध होता. मुलीला परत पाठविण्यासाठी आरोपी वारंवार धमकी देत असल्याचे तरुणाने फिर्यादीत म्हटले आहे.